काठमाण्डाै - आईसीसी विश्वकप लिग २ एक दिवसीय क्रिकेटमा नेपालले पाँचौं सफलता हात पारेको छ । 

नेपालका लागि करण केसी र सन्दीप लामिछानेले अहिलेसम्म दुई दुई विकेट लिइसकेका छन् । भने सुशन भारीले पनि आफ्नो स्पेलको पहिलो बलमै विकेट लिएपछि नेपालले पाँचौं सफलता हात पारेको हो ।

१९१ रनको लक्ष्य पछ्याएको अमेरिकालाई पहिलो झड्का दिन नेपालका सन्दीप लामिछाने सफल भए । दोस्रो ओभरमै स्पिन बलिङ लिएर आएका सन्दीपले अमेरिकाको ६ रन हुँदा पहिलो सफलता दिलाएका हुन् । अमेरिकाका आरोन जोन्सलाई सन्दीपले एलबीडब्ल्यूको धरापमा पारेका थिए ।

जोन्स ५ रन बनाएर आउट भए । अर्को ओभरमा करण केसीले नेपाललाई दोस्रो सफलता दिलाए । करणले स्टेभन टेलरलाई आउट गरेका हुन् । टेलरले खाता खोल्न सकेनन् ।

नेपाललाई चौथो सफलता सन्दीपले दिलाए । व्यक्तिगत दोस्रो विकेट हात पार्ने क्रममा सन्दीपले मोनाक पटेललाई एलबीडव्ल्यूको धरापमा पारेका हुन् । ४ ओभरमा १३ रन बनाउँदा अमेरिकाले ४ विकेट गुमाएको अमेरिकाले पाँचौं विकेट २७ रनको स्कोरमा गुमायो ।

अमेरिकाका अक्षय होमराजलाई सुशन भारीले आउट गरे । होमराज ५ रन बनाएर आउट भएका हुन् ।