भारतविरुद्धको एकदिवसीय सिरिज एक खेल अगावै न्युजिल्याण्डलाई

माघ २५, २०७६ शनिबार १६:३४:१३ | उज्यालो सहकर्मी

भारतविरुद्धको एक दिवसीय सिरिज न्युजिल्याण्डले जितेको छ ।

शनिबार भएको खेल २२ रनले जितेसँगै तीन खेलको सिरिजमा लगातार दोस्रो जितसहित एक खेल बाँकी छँदै न्युजिल्याण्डले सिरिज जितेको हो । पहिलो एक दिवसीय क्रिकेट खेलमा भारत ४ विकेटले पराजित गरेको थियो ।

टी-२० सिरिज क्लिनस्वीप गरेको भारतले एक दिवसीय सिरिज भने जोगाउन असफल भयो । टस हारेर पहिला ब्याटिङ गरेको न्युजिल्याण्डले निर्धारित ओभरमा ८ विकेट गुमाएर २७३ रन बनाएको थियो । रस टेलरले नट आउट ७३ रन बनाउँदा आजै डेब्यु गरेका केइल जेमिसनले नट आउट २५ रन बनाए ।

यस्तै मार्टिन गप्टिलले ७९ रन तथा हेनरी निकोलसले ४१ रनको योगदान गरे ।

बलिङतर्फ भारतका युजबेन्द्र चाहलले ३ तथा सार्दुल ठाकुरले २ विकेट हात पारे ।

२७४ रनको लक्ष्य पछ्याएको भारत ४८.३ ओभरमा सवै विकेट गुमाउँदै २५१ रनमा अल आउट भयाे । भारतलाई सस्तैमा अल आउट गर्न न्युजिल्याण्डका ह्यामिस बेनेट, टिम साउदी, केइल जेमिसन र कोलिन डी ग्राण्डहोमले समान दुई/दुई विकेट लिए ।

भारतका लागि रविन्द्र जडेजाले ५५ तथा श्रीयस एय्यरले ५२ रन बनाए पनि हार टार्न पर्याप्त भएन । नjदीप सैनीले ४५ तथा पृथ्वी शले २४ रनको योगदान गरेका थिए ।

अब अन्तिम एक दिवसीय ११ फेब्रुअरीमा हुने छ । उक्त खेलमा पनि न्युजिल्याण्ड विजयी भए सिरिज ह्वाइटवास गर्नेछ ।

अन्तिम अपडेट: मंसिर ४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्