सत्तामा भएका बेला दिनदिनै आरोप लाग्छ, त्यसको पुष्टि हुनुपर्छ : मन्त्री बाँस्कोटा

फागुन ८, २०७६ बिहीबार १३:२७:१२ | दुर्गा उपाध्याय

कञ्चनपुर - सञ्चार तथा सूचना प्रविधिमन्त्री गोकुल बाँस्कोटाले सेक्युरिटी मेसिन खरिदमा ७० करोड कमिसन मागेको आरोपको पुष्टि हुनुपर्ने बताउनुभएको छ ।

बिहीबार कञ्चनपुरको बेल्डाँडीमा कार्यकर्ता भेटघाटका क्रममा बोल्दै मन्त्री बाँस्कोटाले सत्तामा भएका बेला नेतालाई दिनदिनै आरोप लाग्ने बताउँदै त्यसलाई प्रमाणित गर्न पुष्टि हुनुपर्ने बताउनुभएकाे हो ।

उहाँले वडाध्यक्षदेखि मेयरसम्मलाई आरोप लाग्ने गरेको बताउँदै आरोप लाग्नु ठूलो कुरा नभएको दावी गर्नुभयो ।

नेकपाको सरकार आएका बेला मात्रै भ्रष्टाचार भएको आरोप लाग्ने गरेको बताउदै आरोप लागे पनि आफूहरु संघर्ष गरेर अगाडि बढिरहेको जिकिर गर्नुभयो ।
‘हामीमाथि भ्रष्टाचार, राष्ट्रघातका आरोप लागेका छन्’, उहाँले भन्नुभयो, ‘हामी यसकाे सामना गर्दै अगाडि बढिरहेका छौँ, आरोपहरुलाई कसरी गलत सावित गर्छौँ । ’

बुधबार सेक्युरिटी मेसिन खरिदमा ७० करोड कमिसन मागेको अडियो बाहिरिएको प्रसंग जोड्दै मन्त्री बाँस्काेटाले त्यसलाई प्रमाणित गर्न पुष्टि हुनुपर्ने बताउनुभएको छ ।

उहाँले सेक्युरिटी प्रेस खरिदबारे सार्वजनिक भएको अडियो सम्बन्धमा काठमाण्डौ फर्किएपछि विस्तृत प्रतिक्रिया दिने बताउँदै आफूमाथि लागेको आरोप प्रमाणित भए सजाय भोग्न तयार रहेको बताउनुभयो ।

बुधबार महेन्द्रनगरमा सुरु भएको सुदूरपश्चिमाञ्चल औद्योगिक व्यापार मेला तथा कञ्चनपुर पर्यटन महोत्सवको उद्घाटन गर्न कञ्चनपुर पुग्नुभएका मन्त्री बाँस्कोटा बिहीबारै काठमाण्डौ फर्किने कार्य तालिका छ ।

अन्तिम अपडेट: कात्तिक २९, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

दुर्गा उपाध्याय

दुर्गा उपाध्याय कञ्चनपुरका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्