फुङलिङ बजारमा चार सय भेडा : कसैले काँधमा बाेकेर दाैडिए, कसैले सेल्फी खिचे !

फागुन ११, २०७६ आइतबार १९:२०:५० | केशवप्रसाद भट्टराई

ताप्लेजुङ - जंगलमा चर्ने भेडा बीच बजारमा लाइन लागेर हिँड्दा कस्ताे देखिएला?

पाथीभरा म्याराथन तथा मेची पर्यटन महोत्सवको अवसरमा हिमाली भेगमा पालिने भेडा ताप्लेजुङ सदरमुकाम फुङलिङमा बजारमा ल्याएर पर्दशनी गरिँदा यस्तै दृश्य देखियाे । मालिङ्गो झाडिभित्र लुकेर हराउने भेडाकाे बथान आइतबार फुङलिङमा टाँगिएका पताकाभित्र लुकामारी खेलेका थिए ।

बजारमा स्याे स्याे गर्दै भेडी गोठालाले बजारमा भेडाकाे बथान खेदाउँदा साच्चै जिल्ला बासी अचम्ममा परे । झण्डै चार सय भेडा बजार भित्र हिँड्दा धेरैले रमाइलो लागेको बताए । कोही भेडाको पाठाहरु समाएर फोटो खिचाउँदै थिए । कतिले त काँधमा भेडाको पाठाहरु बोकेर फोटो खिचेको पनि देखिन्थे । काेही भेडा काँधमा बोकेर हिँडिरहेका थिए ।

भेडीगोठ प्रदर्शनी उपसमितिका संयोजक तेजबहादुर भट्टराईले याे महोत्सवमा यो प्रदर्शनीकाे ठूलो महत्व राखेको बताउनुभयो ।

फुङलिङ नगरपालिका-११, फावाखोलाका कमल विष्टको भेडीगोठ भेडाकाे बथान ल्याइएको थियाे। अहिले माथि लेकतिर लैजाने बेला भए पनि महोत्सवका लागि बजारमा ल्याइएकाे विष्टले जानकारी दिनुभयाे ।

अन्तिम अपडेट: मंसिर ५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

केशवप्रसाद भट्टराई

केशवप्रसाद भट्टराई ताप्लेजुङका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्