रातो मच्छिन्द्रनाथको रथजात्रा केही दिनको लागि स्थगित
जेठ ४, २०८१ शुक्रबार
काठमाण्डौ – भारतीय प्रधानमन्त्री नरेन्द्र मोदीले सोमबार राति ८ बजेर ५६ मिनेट जाँदा एउटा ट्वीट गरे । उनको ट्वीट सामाजिक सञ्जालका लागि कुनै खुराकभन्दा कम थिएन ।
मोदीले ट्वीट गर्दै भने, ‘यही आइतबारदेखि फेसबक, ट्विटर, इन्स्टाग्राम र युट्युबलगायत सामाजिक सञ्जाल छोड्ने बारेमा सोचिरहेको छु ।’
— Narendra Modi (@narendramodi) March 2, 2020
अहिले प्रधानमन्त्री मोदीको ट्विटर ह्याण्डल @narendramodi लाई पाँच करोड ३३ लाखभन्दा धेरै मानिसहरुले फलो गरिरहेका छन् ।
फेसबुकमा मोदीको एकाउन्टलाई चार करोड ४७ लाखभन्दा धेरैले फलो गरिरहेका छन् भने इन्स्टाग्रा एकाउन्टमा तीन करोड ५२ लाखले फलो गरिरहेका छन् ।
मोदीको लोकप्रियता युट्युबमा पनि कम छैन । चार करोड ५१ लाखभन्दा धेरैले उनको युट्युब एकाउन्ट सब्सक्राइब गरेका छन् ।
यद्यपि मोदीले यसको बारेमा कुनै कारण बताएका छैनन् । साथै उनले आफ्नो सामाजिक सञ्जालको खाता हटाउने, निष्क्रिय रहने र टाढा रहनेबारेमा बताएका छैनन् ।
उनको ट्वीटपछि सामाजिक सञ्जालमा प्रतिक्रियाको ओइरो लागेको छ ।
काङ्ग्रेस नेता तथा पार्टीका पूर्वअध्यक्ष राहुल गान्धीले प्रधानमन्त्री मोदीको ट्वीटमा प्रतिक्रिया दिँदै रिट्वीट गरेका छन् । उनले लेखेका छन्, ‘तिरस्कार छोड्नुस् न कि सामाजिक सञ्जाल ।’
— Rahul Gandhi (@RahulGandhi) March 2, 2020
राहुल गान्धीको ट्वीटमा त्रिपुराका मुख्यमन्त्री बिप्लब कुमार देबले प्रतिक्रिया दिएका छन् । उनी लेख्छन्, ‘यही कारण सोनिया गान्धीको कुनै पनि सामाजिक सञ्जाल प्लेफर्ममा एकाउन्ट छैन ।’
— Biplab Kumar Deb (@BjpBiplab) March 2, 2020
काङ्गेस नेता रनदीप सिंह सुरजेवालाले ट्वीट गर्दै प्रधानमन्त्री मोदीलाई सल्लाह दिएका छन् ।
वरिष्ठ पत्रकार राजदीप सरदेसाई, आम आदमी पार्टीका नेता सोमनाथ भारती, समाजवादी पार्टीका अध्यक्ष अखिलेश यादवले पनि प्रतिक्रिया जनाएका छन् ।
अभिनेत्री रुपा गाङ्गुलीले ट्वीट गर्दै प्रधानमन्त्री माेदीलाई यसो नगर्न भनेकी छिन् । उनी लेख्छिन्, ‘ कृपया तपाईँ मानिसहरुसँग संवाद गर्न बन्द नगर्नुस् ।’
— Roopa Ganguly (@RoopaSpeaks) March 2, 2020
ट्विटर प्रयोगकर्ताहरु #NoSir #NarendraModi #Social Media ह्याशट्यागसँगै आफ्नो प्रतिक्रिया जनाउँदै पोस्ट गरिरहेका छन् ।
उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।