शेयर बजारमा पहिरो : नेप्से ६८ अङ्कले घट्यो, कारोबार रकममा पनि कमी

फागुन २१, २०७६ बुधबार १६:३४:५३ | उज्यालो सहकर्मी

काठमाण्डाै – पछिल्लो समय अस्थिर बन्दै आएको शेयर बजार परिसूचक नेप्से बुधबार उच्च अङ्कले घटेको छ ।

नेप्से बुधबार ६८ दशमलव शून्य ४७ अङ्कले घटेर १४ सय ४१ दशमलव २० बिन्दुमा झरेको छ । बुधबार निर्जीवन बीमा र माइक्रोफाइनान्स समूहको शेयर ६ प्रतिशतभन्दा धेरैले ओरालो लागेको छ ।

जीवन बीमा समूहको शेयर पाँच दशमलव १६ प्रतिशतले घटेको छ । यस्तै होटल, बैंक, विकास बैंक समूहको शेयर ४ प्रतिशतले घटेको छ । बुधबार कारोबार रकम पनि घटेको छ । बुधबार एक सय ७४ कम्पनीका दुई अर्ब ९० करोड रुपैयाँ बराबरका ६७ लाख ७१ हजार कित्ता शेयर किनबेच भएका छन् ।

बुधबार नेपाल लाइफ इन्स्योरेन्सको २६ करोड २६ लाख रुपैयाँका शेयर किनबेच भएको छ भने एनएमबी बैंक, हिमालय डिस्टिलरी र एनआईसी एसिया बैंकको शेयर १३ करोड रुपैयाँको दरले कारोबार भएको छ ।

नेशनल माइक्रोफाइनान्स वित्तीय संस्था, नेपाल सेवा लघुवित्त वित्तीय संस्था, स्वदेशी लघुवित्त वित्तीय संस्था र कालिका विकास बैंकको शेयर १० प्रतिशतले घटेको छ । अरु १२ वटा कम्पनीको शेयर पनि झण्डै १० प्रतिशतले ओरालो लागेको छ ।

समग्र नेप्से ओरालो लागे पनि सामुदायी लघुवित्त वित्तीय संस्था र रिलायन्स फाइनान्सका शेयरधनीले झण्डै पाँच प्रतिशत कमाएका छन् ।

अन्तिम अपडेट: मंसिर ४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्