हुलाकी राजमार्ग निर्माण गरिरहेका ६ ओटा गाडीमा आगजनी

फागुन २२, २०७६ बिहीबार १५:५१:३२ | गोपाल भण्डारी

कपिलवस्तु - हुलाकी राजमार्ग निर्माण गरिरहेको शर्मा एण्ड कम्पनीका ६ ओटा गाडीमा नचिनेका मानिसहरुकाे समूहले आगजनी गरेको छ ।

कपिलवस्तुकाे विजयनगर गाउँपालिका राजमार्गअर्न्तगत लोहारौलाको सडक निर्माण गरिरहेको २ वटा एक्स्काभेटर, २ वटा ब्याक हो लोडर र २ वटा पिक अपमा आगजनी भएकाे हाे ।

कार्यालयमा रहेका कर्मचारीको कोठामा बाहिरबाट चुकुल लगाइदिएर गाडीमा आगजनी गरेको इलाका प्रहरी कार्यालय गणेशपुरले जनाएको छ । आगलागीको खबर पाएलगत्तै कृष्णनगर नगरपालिकाको दमकलले आगो नियन्त्रण गरेको थियो ।

शिवराज नगरपालिका-९, तुरुन्तपुरमा पनि निर्माणाधीन सडक किनारमा राखिएकाे स्काभेटरमा आगजनी भएको प्रहरी नायब उपरीक्षक सुनिल मल्लले बताउनुभयाे । आगजनीबाट ६ वटै गाडीमा नोक्सान पुगेकाे छ ।

घटनास्थलमा नेपाल कम्युनिष्ट पार्टी कपिलवस्तु लेखिएको पर्चा भेटिएकोे प्रहरी नायब उपरीक्षक मल्लले बताउनुभयो । घटनाकाे थप अनुसन्धानका लागि प्रक्रिया अघि बढाएकाे उहाँले बताउनुभयाे ।

कम्पनीले रुपन्देही जिल्लामा यसअघि गरेका काममा गुणस्तर नभएको तथा कम्पनीका सञ्चालक र कर्मचारीले पार्टीको सुराकी गरेको पर्चामा उल्लेख छ । हुलाकी मार्ग निर्माण स्थल वरपरका स्थानीयलाई मुआब्जा नदिइ आफ्नै ढङ्गबाट जबरजस्ती काम सुरु गरेको पर्चामा उल्लेख छ ।

अन्तिम अपडेट: मंसिर ३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

गोपाल भण्डारी

गोपाल भण्डारी कपिलवस्तुका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्