कोरोनाको संभावित जोखिम कम गर्न लुक्ला विमानस्थलमा 'हेल्थ डेस्क'

फागुन २५, २०७६ आइतबार ९:२३:११ | सुवास दर्नाल

सोलुखुम्बु - कोरोना भाइरसको संभावित जोखिम कम गर्न तेञ्जिङ हेलारी विमानस्थल लुक्लामा 'हेल्थ डेस्क'को स्थापना गरिएको छ । सोलुखुम्बुको खुम्बु पासाङ ल्हामु गाउँपालिकाले विमानस्थलमा हेल्थ डेस्क स्थापना गरेर यात्रुको स्वास्थ्य परीक्षण गर्न सुरु गरेको हो ।

शनिबारदेखि सञ्चालन गरिएको हेल्थ डेस्कमा बिहान ५ बजेदेखि नै दुई जना स्वास्थ्यकर्मी खटिएको विमानस्थलका प्रमुख इमानाथ अधिकारीले जानकारी दिनुभयो । हेल्थ डेस्कमा शङ्कास्पद बिरामी फेला परे थप अनुसन्धान र उपचारका लागि काठमाण्डौ पठाइने गाउँपालिकाले जनाएको छ ।

पर्यटकीय क्षेत्र भएकाले विमानस्थलमार्फत खुम्बु भित्रिने पर्यटक स्वास्थ्य परीक्षण गर्नका लागि हेल्थ डेक्सको स्थापना गरेको प्रमुख प्रसाशकीय अधिकृत विनोद भटराईले जानकारी दिनुभयो ।

शनिबार पहिलो दिन ४८ जनाको स्वास्थ्य परीक्षण गरिएको गाउँपालिकाले जनाएको छ । अहिले खुम्बु क्षेत्रमा पर्यटकीय सिजन सुरु भए पनि कोरनाकै कारण चहलपहल कम छ । अहिले दैनिक ५० देखि ६० जनासम्म पर्यटक खुम्बु क्षेत्रको भ्रमणमा आउने गरेका छन् ।

त्रिभुवन विमानस्थलबाट हवाई मार्ग हुँदै सगरमाथा क्षेत्र घुम्न आउने स्वदेशी तथा विदेशी पर्यटक तेञ्जिङ हिलारी विमानस्थल लुक्ला आउँछन् ।

यस क्षेत्रका मानिसहरुको मुख्य आम्दानीको श्रोत नै पर्यटन हो । तर यस वर्ष कोरनाका कारण पर्यटन क्षेत्रमा ठूलो असर परेकाे भन्दै व्यवसायी चिन्तित छन् ।

करोडौं लगानी गरेर पर्यटक लक्षित होटल/पसल सञ्चालन गरेको भए पनि पर्यटक नआउँदा आफूहरु चिन्तित बनेको नाम्चेका होटल व्यवासायी लामाकाजी शेर्पाले बताउनुभयो ।

अन्तिम अपडेट: मंसिर १, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

सुवास दर्नाल

उज्यालोका सोलुखुम्बु सहकर्मी सुवास दर्नाल हिमाल एफएममा पनि कार्यरत हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्