गंगाजमुना गाउँपालिकाले विदेश जाने र फर्किनेको तथ्याँक संकलन गर्दै

चैत ४, २०७६ मंगलबार १७:१४:३३

रामकुमार थापा/धादिङ ।

धादिङ – धादिङको गंगाजमुना गाउँपालिकाले पालिका भित्रबाट वैदेशिक रोजगारीमा जानेको तथ्याँक संकलन गर्ने भएको छ ।

सुरक्षित आप्रवासन सामी परियोजनाको प्राविधिक सहयोग र गंगाजमुना गाउँपालिकाको आर्थिक सहयोगमा पालिका भित्रबाट विदेश गएकाको तथ्याँक संकलन गर्न लागिएको गाउँपालिकाका अध्यक्ष बलबहादुर अधिकारीले जानकारी दिनुभयो ।

वैदेशिक रोजगारीको कारण विभिन्न समस्याहरु आएको भन्दै अध्यक्ष अधिकारीले सुरक्षित वैदेशिक रोजगारीको लागि विदेश जानेको तथ्याँक संकलन गर्न लागिएको बताउनुभयो ।

विदेश जानेहरु समस्यामा पर्ने, भनेअनुसारको तलब नपाउने, विदशमै हराउने र स्वदेशमा फर्किएकाको पनि तथ्याँक नहुँदा समस्या भएकाले यस्ता समस्या कम गर्न गाउँपालिकाले नै तथ्याँक राख्ने अध्यक्ष अधिकारीको भनाई छ ।

तथ्याँक संकलनका लागि दुई दिने अभिमुखीकरण तालिमसमेत सञ्चालन गरिएको छ । वैशाखको १५ गतेभित्र सक्नेगरी तथ्याँक संकलन गरिनेछ । तथ्याँक संकलन गर्दा विदेशमा गएका परिवारका संख्या, कुन देशमा काम गर्ने, समस्या भए नभएको के हो, फर्केका भए कति फर्केका, बेरोजगार युवाहरुको तथ्याँक तथा स्वरोजगारको समेत तथ्याँक संकलन गरिने प्रमुख प्रशासकीय अधिकृत बिनोद रोकाले जानकारी दिनुभयो ।

अन्तिम अपडेट: मंसिर २९, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्