बेरोजगारलाई गाउँमै कामको अवसर, बेरोजगारको सूचीमा सूचीकृत हुन सरकारको आग्रह

चैत ५, २०७६ बुधबार १४:२५:१६ | उज्यालो सहकर्मी

काठमाण्डौ – तपाईँ बेरोजगार हुनुहुन्छ र आफ्नै गाउँठाउँमा काम खोजीरहनुभएको छ ? सरकारले प्रधानमन्त्री रोजगार कार्यक्रममार्फत बेरोजगार युवालाई आफ्नो गाउँठाउँमा एक सय दिनको रोजगारी दिने भएको छ ।

त्यसका लागि तपाईँले यही चैत महिनाभित्र आफू बस्ने वडा कार्यालयमा निवेदन दिन सक्नुहुन्छ। वडा कार्यालयमा सबैभन्दा पहिले बेरोजगारको सूचीमा सूचीकृत हुनपर्छ।

तपाईँ छनोट हुनुभएमा पालिकास्तरमा हुने काममा तपाईँलाई खटाइने श्रम रोजगार तथा सामाजिक सुरक्षा मन्त्रालयले जनाएको छ । फारम भर्न नागरिकताको फोटोकपी, पासपोर्ट साइजको फोटो, बसाइसराइ गरेर आएको भएमा त्यसको प्रमाणपत्रको फोटोकपी, पढेको भए शैक्षिक योग्यताको प्रमाणपत्रको फोटोकपीसहित फाराम भर्नुपर्छ ।

फारम भर्न यहाँ क्लिक गर्नुहोस् ।

गएको वर्ष पनि सरकारले प्रधानमन्त्री रोजगार कार्यक्रममार्फत एकलाख भन्दा धेरैलाई औसत १३ दिनको रोजगारी दिएको थियो ।

अन्तिम अपडेट: मंसिर ५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्