आधाभन्दा धेरै नेपालीलाई साबुन पानीले हात धुने सुविधा छैन - युनिसेफ

चैत ५, २०७६ बुधबार १५:१०:५० | उज्यालो सहकर्मी

काठमाण्डाै - राष्ट्रसंघीय बालकोष युनिसेफले आधाभन्दा धेरै नेपालीलाई साबुन पानीले हात धुने सुविधा नभएको जनाएको छ ।

युनिसेफका अनुसार संसारभरका हरेक ५ जनामध्ये ३ जनासँग मात्र हात धुने सुविधा छ । ‘नेपालमा कुल जनसंख्याको आधाभन्दा धेरैको पहुँचमा साबुनपानीले हात धुने सुविधा छैन’ युनिसेफले भनेको छ ।

कोरोना भाइरस (कोभिड -१९) को रोकथामका लागि साबुन पानीले हात धुनु महत्वपूर्ण भन्दै युनिसेफले आफू र आफ्ना बालबालिकालाई जोगाउन नियमित रुपमा हात धुने बानी बसाल्न सुझाव दिएको छ ।

अरु व्यक्तिले जस्तै बालबालिकालाई पनि बगिरहेको पानीमा हात भिजाउने, भिजेको हातमा साबुन लगाउने, हत्केलाको पछाडि, औंलाको बीच, नङको भित्र लगायत हातका सबै भागमा कम्तिमा २० सेकेण्डसम्म राम्रोसँग मिच्ने र पखाल्ने गर्न युनिसेफको सुझाव छ ।

युनिसेफका अनुसार विशेषगरी खाना खानु भन्दा अगाडि, सिंगान पुछेपछि, खोक्नु र हाच्छ्युँ गरिसकेपछि र शौचालय गैसकेपछि राम्ररी हात धुन सके बालबालिकालाई भाइरसबाट जोगाउन सकिन्छ ।

आफ्ना बालबालिकामा 'फ्लू'जस्ता श्वासप्रश्वास सम्बन्धी अन्य सङ्क्रमणको लक्षण देखिएमा स्वास्थ्य संस्थामा लैजान पनि उसले सुझाव दिएको छ ।

हात धुने उत्तम तरिका

१. बगिरहेको पानीमा हात भिजाउने,

२. भिजेको हातमा मनग्गे साबुन लगाउने,

३. हत्केलाको पछाडि, औंलाको बीच, नङको भित्र लगायत हातका सबै भागमा कम्तिमा २०सेकेण्डसम्म राम्रोसँग मिच्ने,

४. बगिरहेको पानीले राम्ररी हात पखाल्ने,

५. सफा कपडा वा एकपटक मात्र प्रयोग गरिने तौलियाले हात सुकाउने।

अन्तिम अपडेट: कात्तिक १६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्