'निर्धारित मूल्य नपाए किसानको उत्पादन सरकारले किन्ने ’

चैत ५, २०७६ बुधबार १७:२०:२३ | उज्यालो सहकर्मी

काठमाण्डौ - किसानले उत्पादन गर्ने सबै वस्तुको बजार व्यवस्थापनको जिम्मेवारी अब सरकारले लिने भएको छ ।

कृषि तथा पशुपंक्षी विकास मन्त्री घनश्याम भुसालले किसानले उत्पादन गरेको वस्तुकाे मूल्य निर्धारणका साथै व्यवस्थापनको जिम्मा पनि सरकारले लिने घोषणा गर्नुभएको हो ।

उहाँले कृषि मन्त्रालयमा कार्ययोजना प्रस्तुत गर्नुहुँदै किसानकाे लगानीकाे २५ प्रतिशतसम्म नाफा सुनिश्चित हुने दाबी गर्नुभयाे । किसानले उत्पादन गर्ने नगदे बालीमा लागतपछिको बचत मूल्यसहितको मूल्य निर्धारण गरिने उहाँले बताउनुभयो ।

उहाँले भन्नुभयो ‘किसानलाई पूर्ण रुपमा प्राविधिक सहयोग गर्छाै । सरकारले मल, बीउ र सिँचाइमा अनुदान दिनेछ । उत्पादित वस्तुकाे निर्धारित मूल्य नपाए किसानको उत्पादन सरकारले किनिदिन्छ ।’

उत्पादित सामग्रीमा अनुदान, सबै किसानको घरदैलोमा प्राविधिक सेवा, सस्तो र सुलभ व्याजदरमा ऋण, बाली तथा पशुपंक्षी बीमा र न्यूनतम बचतको ग्यारेन्टी गरिएको उहाँले बताउनुभयो । उहाँले किसानलाई ५ प्रतिशत ब्याजदर नबढ्नेगरी सस्तो ब्याजमा सुलभ ऋण उपलब्ध गराइने उहाँले बताउनु भयाे ।

अन्तिम अपडेट: कात्तिक १२, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्