गड्डाचौकी नाका मंगलबारदेखि अनिश्चितकालका लागि बन्द गरिने

भीमदत्त नगरपालिका आजैदेखि लकडाउन

चैत ९, २०७६ आइतबार १८:४:१६ | दुर्गा उपाध्याय

कञ्चनपुर - पश्चिमी सीमानाका गड्डाचौकी मंगलबारदेखि अनिश्चितकालका लागि बन्द गरिने भएको छ ।

प्रमुख जिल्ला अधिकारी नूरहरि खतिवडाको अध्यक्षतामा आइतबार जिल्ला प्रशासन कार्यालयमा बसेको बैठकले यही ११ गतेबाट गड्डाचौकी नाकालाई पूर्ण रुपमा बन्द गर्ने निर्णय गरेको हो ।

आइतबार भीमदत्त नगरपालिका, स्वास्थ्य कार्यालय र तीनै तहको सुरक्षा समितिसहितको बैठकले यस्तो निर्णय गरेको हो । प्रजिअ अधिकारीका अनुसार सूचनाको अवज्ञा गर्नेलाई सुरक्षाकर्मी र अधिकारप्राप्त कर्मचारीले नियन्त्रण्मा लिएर कारबाहीको प्रक्रिया अगाडि बढाइनेछ ।

बैठकले आइतबार मध्यरातबाट लागू हुनेगरी भीमदत नगरपालिका क्षेत्रमा दैनिक उपभोग्यका पसल, राहत उद्धार बाहेक सम्पूर्ण उद्योग कलकारखाना, बजार, पसल, व्यवसाय समेत पुर्णरुपमा बन्द गर्ने निर्णय गरेको छ ।

यस्तै, नाकाबाट भित्रिने व्यक्तिहरुको तथ्याङ्क संकलन गरी वेबसाइटमा राख्ने, आकस्मिक उपचार बाहेक अन्य कामका लागि घर बाहिर ननिस्कन आग्रह गर्नेजस्ता निर्णय गरेको छ ।

यसैगरी, बजार अनुगमनलाई तीव्रता दिने, सञ्चारमाध्यम वा सामाजिक सञ्जालमा भ्रम फैलाउने र सूचना अटेर गर बाहिर निस्किनेहरुलाई कडा कारबाही गर्ने निर्णय समेत गरेको छ ।

अन्तिम अपडेट: मंसिर ६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

दुर्गा उपाध्याय

दुर्गा उपाध्याय कञ्चनपुरका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्