‘यो आँधी रोकिनेछ, मानव जाति बाँच्नेछ, हामीमध्ये धेरै जना जीवितै रहनेछौँ’

चैत १२, २०७६ बुधबार १७:४६:२९ | एजेन्सी

मानव जगतले यतिबेला विश्वव्यापी समस्या भोगिरहेको छ । यो सम्भवत अहिलेको पीँढीले भोग्नुपरेको सर्वाधिक ठूलो समस्या हुुनुपर्छ । विश्वका मानिस तथा सरकारहरुले केही हप्ताभित्र लिने निर्णयले आउँदा वर्षहरुमा विश्व कस्तो हुन्छ भन्ने कुरा निर्क्योल गर्नेछ।

ती निर्णयहरुले हाम्रो स्वास्थ्य उपचार प्रणालीमात्र नभइ अर्थतन्त्र, राजनीति तथा संस्कृतिसमेतको निर्क्योल गर्नेछन् । यस घडीमा हामीले द्रुत तथा निर्णयात्मक हिसाबले पहलकदमी लिनुपर्छ । यसो गर्ने क्रममा हामीले चालेका हरेक कदमको दूरगामी परिणामहरुलाइसमेत ध्यानमा राख्नुपर्दछ ।

हामीले समाधानका उपाय तथा विकल्पहरु खोज्दै गर्दा तत्कालको समस्या कसरी हल गर्ने भन्ने मात्र नभइ यो समस्याबाट छुट्कारा पाइसकेपछि हामी कस्तो दुनियाँमा बस्नेछौँ भन्ने कुरालाई पनि मध्यनजर गर्नुपर्ने हुन्छ । यो आँधी रोकिनेछ, मानव जाति बाँच्नेछ, हामीमध्ये धेरै जना जिवितै रहनेछौँ; तर हामी फरक खालको दुनियाँमा बाँचिरहेका हुनेछौँ ।

यतिखेर हामीले अपनाएका विभिन्न अल्पकालीन आकस्मिक उपायहरु हम्रा जीवन बचाउने कसी बन्नेछन् । यही नै आपतकालको मुख्य विशेषता हो । यस्ता आपतकालीन समयमा सामान्य अवस्थामा वर्षौँ लगाएरमात्र गरिने निर्णयहरु पनि केही घण्टामै गरिन्छन्।

यस्तो बेला केही नगरी बस्नुको खतरा धेरै बढी हुने भएकाले अपरिपक्व र खतराजनक प्रविधिहरु पनि समस्या समाधानका लागि अघि सारिन्छन् । सबै देशहरु ठूलो मात्रामा गरिएका सामाजिक प्रयोग र व्यवहारका अगाडि मूकदर्शक भएर बस्नुपर्ने हुन्छ । सबै जनाले घरबाटै काम गर्ने र पर परबाटै एक अर्कासँग सञ्चार गर्दा कस्तो होला , सबै विद्यायल र विश्वविद्ययालयहरु अनलाइन हुँदा कस्तो अवस्था आउला

यो महामारी रोक्नका लागि विश्वको पुरै नागरिकले केही निश्चित मापदण्ड वा नियमहरु पलना गर्नुपर्छ । यी नियमहरु लागू गराउन सरकारले मुख्य तरिका अपनाउनुृ पर्छ; एउटा जनताको अनुगमन गर्ने र अर्को नियम मिच्नेलाई कारबाही गर्ने ।

सामान्य अवस्थामा सरकार व्यवसायी तथा शिक्षण संस्थाहरुले यी कुराहरु कदापि स्वीकार्दैनन् । तर अहिलेको अवस्था सामान्य अवस्था होइन । यस्तो आपतको घडीमा हामीसँग जम्मा दुइ वटा महत्वपूर्ण विकल्प रहन्छन् । पहिलो सर्वसत्तावादी निगरानी र नागरिक सशक्तिकरण । दोस्रो राष्ट्रवादी एकान्तवास र वैश्विक ऐक्यबद्धता ।

सतही नभैइ साँचो अर्थमा निगरानी

यो महामारी रोक्नका लागि विश्वका पुरै नागरिकले केही निश्चित मापदण्ड वा नियमहरु पलना गर्नुपर्छ । यी नियमहरु लागू गराउन सरकारले मुख्य तरिका अपनाउनुृ पर्छ; एउटा जनताको अनुगमन गर्ने र अर्को नियम मिच्नेलाई कारबाही गर्ने । आज मानव जगतकै इतिहासमा पहिलेपटक प्रविधिका माध्यमबाट विश्वका सबैलाई एकैपटक अनुगमन र निगरानी गर्न सम्भव भएको छ ।

पचास वर्षअघि यो प्रविधि थिएन र केही सय किलोमिटर पर पनि सुरक्षाका हिसाबले राम्ररी निरीक्षण गर्न सकिँदैनथ्यो । यसका लागि मानिसहरु नै खटिनुपथ्र्यो । हिजोआज अत्याधुनिक प्रविधिको सहायताले सरकारहरुले प्रत्येक नागरकिका क्रियाकलापलाइै एकै ठाउँबाट नियाल्न र निगरानी गर्न सम्भव भएको छ ।

कोरोना भाइसरविरुद्धको लडाईमा विश्वका थुप्रै देशहरुले यस्ता प्रविधिहरु प्रयोगमा ल्याइसकेका छन् । चीन यस कुरामा सबैभन्दा बढी उदाहरणीय देश हो । नागरकिका स्माटैफोनहरुलाई नजिकबाट निगरानी गरेर, करोडौँ अनुहार चिन्ने प्रविधियुक्त क्यामेराहरु प्रयोग गरेर, नागरिकहरुलाई आफ्नो शरीरको तापक्रम तथा स्वास्थ् अवस्था जँचाउन त्यसबारे सम्बन्ति संस्थामा खबर गर्न लगाए ।

यसबाट चीनका अधिकारीहरुले कोरोना भाइरस लागेका शंकास्पद व्यक्तिहरुको पहिचान मात्र नगरी उनीहरुको सम्पर्कमा आएका व्यक्तिहरुको समेत पहिचान गर्न सक्षम भए । त्यस बाहेक थुप्रै मोबाइल एप्ल्किेशन बनाएर नागरिकहरुलाई कोरोना भाइरस लागेका व्यक्तिहरुसँग को कति नजिक छ भन्ने जानकारी समेत गराए जसले गर्दा त्यहाँका नागरिकहरु कोरोनाविरुद्धको लडाईँमा सजग र सतर्क भएर अगाडि बढ्न सके ।

फाइनान्सियल टाइम्समा प्रकाशित युवल नोह हरारीको द वर्ल्ड आफ्टर कोरोना भाइरस शीर्षकको लेखको अनुदित अंश

अन्तिम अपडेट: मंसिर ९, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

1 Comments

Ranjit regmi
April 4, 2020, 4:05 p.m.
अति नै राम्रो विषय उठान गरिएको रहेछ।
0 Reply

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

‘यो आँधी रोकिनेछ, मानव जाति बाँच्नेछ, हामीमध्ये धेरै जना जीवितै रहनेछौँ’

1 Comments

Ranjit regmi

तपाईको प्रतिक्रिया

तपाईको प्रतिक्रिया