खुम्बु क्षेत्रमा तीन सयभन्दा बढी पदयात्री अलपत्र

चैत १२, २०७६ बुधबार २०:४५:२३ | सुवास दर्नाल

सोलुखुम्बु : सगरमाथा पदयात्राका लागि खुम्बु क्षेत्र आएका तीन सयभन्दा बढी पदयात्री अलपत्र परेका छन् ।

खुम्बु क्षेत्र भ्रमणका लागि आएका पर्यटकहरु कोरोना भाइरसको सतर्कताका लागि सरकारले अकस्मात देश लकडाउन गर्दा अलपत्र परेका हुन् । लुक्लामा मात्र ११९ जना विदेशी पदयात्री अलपत्र परेको पर्यटक पथप्रर्दशक रमेश तामाङले जानकारी दिनुभयो । उनीहरु सुरक्षित रुपमा फर्किन पाउने प्रतीक्षामा रहेको तामाङको भनाइछ । लुक्लाभन्दा माथिनि दुई सयको हाराहारीमा पर्यटक अलपत्र परेको बुझिएको छ।

पर्वतारोहणको सिजन भएकाले यो समयामा हजारौं पर्यटक सगरमाथा आधार शिविरसम्म पदयात्रामा निस्कन्छन् । तर, यो वर्ष कोरोना भाइरसको सङ्क्रमणका कारण मुख्य पर्यटकीय सिजन प्रभावित बनेको छ ।

गाउँपालिकाले अलपत्र परेकाहरुको उद्धारको पहल भइरहेको जनाएको छ । गाउँपालिकाका प्रव लाक्पा छिरि शेर्पाले उद्धारका लागि पहल भइरहे पनि गृहबाट अनुमतिको प्रतीक्षामा रहेको उहाँको भनाइ छ । अन्तर्राष्ट्रिय उडान नै बन्द रहेको अवस्थामा पर्यटकलाई काठमाडौ पुर्याउँदैमा समस्याको समाधान नहुने उहाँको तर्क छ ।

अन्तिम अपडेट: कात्तिक २८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

सुवास दर्नाल

उज्यालोका सोलुखुम्बु सहकर्मी सुवास दर्नाल हिमाल एफएममा पनि कार्यरत हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

खुम्बु क्षेत्रमा तीन सयभन्दा बढी पदयात्री अलपत्र

फाइल तस्बिर

तपाईको प्रतिक्रिया