बिरामी लिनै मान्दैनन् अस्पताल : उपचार नपाउँदा एक महिलाको ज्यान गयो

चैत १९, २०७६ बुधबार १९:४:४ | सुमन तिमल्सिना

माेरङ – प्रदेश १ कै सुविधासम्पन्न भनेर आफूलाई चिनाउने ठूला निजी अस्पतालको गम्भीर गल्तीका कारण पहाडी जिल्ला धनकुटाबाट उपचारका लागि ल्याइएकी एक महिलाको मृत्यु भएको छ ।

विराटनगरका न्यूरो, विराट नर्सिङ होम समेतका ठूला अस्पतालले बिरामी लिन अस्वीकार गर्दै उपचार गर्न नमानेपछि धनकुटाको महालक्ष्मी नगरपालिका ५ लेगुवाकी ५२ वर्षीया नरदेवी गुरुङको मंगलबार मृत्यु भएको हो। छोरी लक्ष्मी गुरुङ ९राई० का अनुसार बगैंचाको फूलमा पानी लगाउने क्रममा नरदेवी बिहान करिब साढे ६ बजे ढलेर बेहोस हुनुभएको थियो ।

स्थानीय क्लिनिकमा उपचारका क्रममा उच्च रक्तचापका कारण आमालाई समस्या भएको पत्ता लागेपछि थप उपचारको लागि सुबिधासम्पन्न अस्पतालमा लग्न भनेपछि ल्याइएको लक्ष्मीले बताउनुभयो ।

त्यसपछि एम्बुलेन्समा राखेर परिवारका सदस्यले लगभग १० बजे बीपी कोइराला स्वास्थ्य विज्ञान प्रतिष्ठान धरान ल्याएका थिए । उच्च ज्वरोका कारण चिकित्सकले आईसीयू खाली नभएको र बिरामीलाई तत्काल आईसीयूमा राख्नुपर्ने भन्दै विराटनगरको न्युरो अस्पताल रेफर गरिदिएको लक्ष्मीले बताउनुभयो ।

रातिको १२ बजे न्युरोमा ल्याएका बिरामीलाई उपचार गर्न पुगेका राईलाई भेन्टीलेटर खाली नभएको तथा धेरै ज्वरो आएको बिरामीको उचार गर्न नसकिने भनेर फिर्ता गरेको मृतकका आफन्तको भनाइृ छ ।

रातको १ बजे विराट नर्सिङ होम विराटनगर पुर्याएका बिरामीको उपचार गर्न नसक्ने भन्दै फिर्ता पठाएको लक्ष्मीले जानकारी दिनुभयो । औषधि किन्न लगाएपछि अन्य अस्पतालको कागज हेरेर उपचार गर्न नसकिने भनेर अस्पतालबाट नै निकालि दिएको लक्ष्मीको भनाइृ छ ।

आफन्तको अनुनय विनयपछि नोबेल शिक्षण अस्पताल पुर्याएर उपचार शुरु भएको बिरामीको दिउँसो नरदेवीको मृत्यु भएको लक्ष्मीले बताउनुभयो । उपचारमा संलग्न चिकित्सकले बिरामी ल्याउन ढिला भएकाले बचाउन नसकिएको बताएको लक्ष्मीको भनाइ छ। ।

मृतक नरदेवीका दाजु तथा महालक्ष्मी नगरपालिका ५ का वडा अध्यक्ष शिवकुमारले उपचारका लागि बिरामी लिनै नमान्ने अस्पतालको गैरजिम्मेवारीपना र लापरबाहीका कारण बहिनी गुमाउनु परेको गुनासो गर्नुभयो ।

अन्तिम अपडेट: मंसिर १४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

सुमन तिमल्सिना

सुमन तिमल्सिना मोरङका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्