प्रदेश १ ले कोरोना उपचारमा संलग्न व्यक्तिको ज्यान गएमा परिवारलाई ५० लाख दिने

चैत २६, २०७६ बुधबार ११:४८:५ | सुमन तिमल्सिना

मोरङ – प्रदेश १ सरकारले कोरोना सङ्क्रमितको उपचारमा खटिँदा कसैले ज्यान गुमाएमा ज्यान गुमाउनेको परिवारलाई ५० लाख रुपैयाँ उपलब्ध गराउने घोषणा गरेको छ ।

कोरोनाबाट सङ्क्रमितको उपचारका क्रममा खटिँदा ज्यान गुमाउने स्वास्थ्यकर्मीसहित कर्मचारीका परिवारलाई ५० लाख रुपैयाँ प्रदान गर्ने प्रदेश सरकारको मन्त्रीपरिषद् बैठकले निर्णय गरेको छ ।

कोरोना भाइरसको नियन्त्रण, रोकथाम तथा उपचारमा प्रदेश सरकारले खटाएका स्वास्थ्यकर्मी, सुरक्षाकर्मी, एम्बुलेन्स चालक, स्थानीय तहमा कार्यरत कर्मचारी वा अन्य कुनै पदाधिकारीको मृत्यु भएका ५० लाख रुपैयाँ प्रदान गर्नेे निर्णय गरिएको आन्तरिक मामिला तथा कानुन मन्त्री हिक्मतकुमार कार्कीले जानकारी दिनुभयो ।

प्रदेश १ मा अहिलेसम्म कोरोना सङ्क्रमण देखिएको छैन । मङ्गलबारसम्म प्रदेशका ९० जनाको स्वाब सङ्कलन गरिएको छ भने ८५ जनाको रिपोर्ट नेगेटिभ आएको छ ।

बाँकी ५ जनाको रिपोर्ट आउन बाँकी रहेको प्रदेश सरकारले जनाएको छ । अहिले प्रदेशमा ९ जना आइसोलेसनमा छन् भने ६ सय १३ जना क्वरेण्टीनमा छन् । त्यस्तै २ हजार ८ सय ८५ जना होम क्वरेण्टीनमा छन् ।

अन्तिम अपडेट: मंसिर १७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

सुमन तिमल्सिना

सुमन तिमल्सिना मोरङका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्