सोलुखुम्बुमा ‘लकडाउन’ले गाउँ फर्किएकाहरु कृषि कर्ममा रमाउँदै

चैत २८, २०७६ शुक्रबार १३:१३:२ | सुवास दर्नाल

सोलुखुम्बु – सरकारले ‘लकडाउन’ घोषणा गरेपछि सहरबाट गाउँ फर्किएकाहरु कृषि कर्ममा लागेका छन् । अध्ययन, रोजगार र अन्य अवसरका लागि गाउँ छोडेर गएकाहरु ‘लकडाउन’ भएसँगै गाउँ फर्किएर खेतीपातीमा रमाउन थालेका हुन् ।

रोजगारीको सिलसिलामा लामो समय काठमाण्डौ बस्नुभएका जिल्लाको तिङलाकी मुना राई ‘लकडाउन’ भएसँगै गाउँ फर्किएर खेतीपातीमा व्यस्त हुनुभएको बताउनुहुन्छ । ‘लकडाउन’ले आफूलाई गाउँ फर्कने अवसर जुराएको बताउनुहुँदै राईले लामो समयपछि परिवारसँग खेतमा काम गर्दाको छुट्टै आनन्द मिलेको बताउनुभयो ।

विभिन्न सरकारी कार्यालयहरु बन्द भएपछि कर्मचारीहरु पनि गाउँ फर्किएका छन् । उनीहरु यतिखेर परिवारलाई खेतीपातीमा सघाउने काममा व्यस्त रहेकोे सल्यानका प्रकाश भट्टराईको भनाइ छ । ठूलो सङ्ख्यामा युवाहरु गाउँ फर्किएसँगै बाँझो खेतहरु समेत खनजोत हुनेमा गाउँघरका किसान आशावादी देखिएका छन् ।

कृषि ज्ञान केन्द्र सोलुखुम्बुबाट गाउँगाउँमा परेका कृषिका योजनाहरु पछिल्लो समय निकै तीव्र गतिमा अघि बढिरहेको केन्द्रका प्रमुख लक्षमण दासले बताउनुभयो ।
उहाँका अनुसार ‘लकडाउन’ले अन्य क्षेत्र ठप्प भएपनि गाउँका कृषि कर्म भने सन्तोषजनक रुपमा अघि बढिरहेको छ ।

अन्तिम अपडेट: मंसिर ६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

सुवास दर्नाल

उज्यालोका सोलुखुम्बु सहकर्मी सुवास दर्नाल हिमाल एफएममा पनि कार्यरत हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्