उदयपुरको मस्जिदमा कोरोना सङ्क्रमित भेटिएपछि मोरङ/सुनसरीमा कडाइ

वैशाख ६, २०७७ शनिबार ११:४१:४० | सुमन तिमल्सिना

मोरङ - उदयपुरको मस्जिदमा रहेको १२ जनामा कोरोनाको पुष्टि भएपछि मोरङ र सुनसरीका मस्जिद र मदरसामा निगरानी बढाइएको छ ।

मोरङमा ६७ मदरसा र ८९ वटा मस्जिद रहेकोमा ति सबै ठाउँमा निगरानी बढाउनको लागि सबै पालिकाहरुलाई अनुरोध गरिएको र त्यहाँ मौलानाहरुसँग समेत कुरा भइको मोरङका प्रमुख जिल्ला अधिकारी मदन भुजेलले जानकारी दिनुभयो ।

ती मस्जिद र मदरसामा मुस्लिम समुदायको सहभागीतामा अनुगमन गर्ने बव्यवस्था मिलाइएको उहाँले बताउनु भयो ।

मोरङबाट अब कोही व्यक्ति लुकेर पनि नेपाल प्रवेश गर्नसक्ने अवस्था नरहने गरी सीमा नाकामा अत्यन्त कडा पारिएको प्रमुख जिल्ला अधिकारी भुजेलले बताउनुभयो ।

यस्तै सुनसरीमा पनि मस्जिदहरुमा निगरानी बढाइएको जिल्ला प्रशासन कार्यालय सुनसरीले जनाएको छ । सुनसरीका ८१ वटा मस्जिदहरुमा कडाइ गरी निगरानी बढाइएको हो ।

इटहरीमा मात्र १४ वटा मस्जिद रहेकोले ति मस्जिदहरुमा कडाइगरिएको र त्यहाँ रहेका केही बाहिरी बव्यक्तिहरुलाई क्वरेन्टीनमा पठाइएको इहरी उपमहानगरपालिकाकी उप मेयर लक्ष्मी गौतमले जानकारी दिनुभयो ।

अन्तिम अपडेट: मंसिर १४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।