संखुवासभा प्रवेश गर्ने नाका पूर्ण रुपमा बन्द

वैशाख ८, २०७७ सोमबार १५:२७:१२ | नवीन गुरुङ

संखुवासभा - विश्वभर फैलिरहेको कोरोना भाइरस (कोभिड-१९) को सङ्क्रमण बढ्न सक्ने भन्दै संखुवासभा प्रवेश गर्ने नाकाहरु पूर्ण रुपमा बन्द गरिएको छ ।

रातको समयमा बाहिरबाट मानिसहरु लुकीछिपी आउनसक्ने भन्दै दक्षिण तर्फबाट संखुवासभा भित्रिने मुख्य नाकाहरु टुटेदेउराली र केवा खोलामा पूर्ण रुपमा नाका बन्द गरिएको हो ।

जिल्ला समन्वय समितिको संयोजनमा जिल्लाका राजनीतिक दलका प्रतिनिधि र दश वटै पालिकाका प्रमुखहरु, प्रदेशसभा सदस्यहरु तथा सामाजिक विकास समितिका पदाधिकारीको उपस्थितिमा बसेको बैठकले यस्तो निर्णय गरेको हो ।

जिल्ला समन्वय समितिका प्रमुख सुमन शाक्यले दक्षिण तर्फबाट संखुवासभा भित्रिने मुख्य नाकाहरुमा प्रहरी परिचालन गरेको बताउनुभयो ।

यो पनि पढ्नुहोस्

साेमबार खाडी र मलेसियामा कोरोना सङ्क्रमणकाे अवस्था

जिल्लामा बाहिर विभिन्न ठाउँहरुबाट संखुवासभा भित्रिनेहरु बढेपछि थप सर्तकता अपनाइएको हो । बैठकले कोरोना रोकथामको लागि जिल्ला समन्वय समितिको कोषमा रहेको रकम खर्च गर्ने समेत निर्णय गरेको छ ।

उहाँले अहिलेसम्म भएको खर्च बाहेक बाँकी रहेको रकम कोरोना रोकथामको लागि खर्च गर्ने निर्णय गरिएको बताउनुभयो ।

अन्तिम अपडेट: मंसिर ७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

नवीन गुरुङ

संखुवासभाका पत्रकार नवीन गुरुङ उज्यालोका जिल्ला सम्बाददाता हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्