सगरमाथा राष्ट्रिय निकुञ्जमा ६ वटा मृग मृत फेला

वैशाख १५, २०७७ सोमबार २१:७:३१ | सुवास दर्नाल

सोलुखुम्बु - सगरमाथा राष्ट्रिय निकुञ्ज क्षेत्रमा ६ वटा कस्तुरी मृग मृत भेटिएका छन् ।

निकुञ्जको केङ्जोमाको ताग्दीमा भन्ने ठाउँमा पासोमा झुण्डिएको अवस्थामा मृग मृत फेला परेको सगरमाथा राष्ट्रिय निकुञ्ज नाम्चेले जनाएको छ ।

मृत भेटिएकामध्ये एक पोथी, तीन भाले र दुई वटाको लिङ्ग पहिचान हुन नसकेको निकुञ्जका प्रमुख संरक्षण अधिकृत भूमिराज उपाध्यायले जानकारी दिनुभयो ।

उहाँका अनुसार एक मृगको बीना निकालिएको र दुईको शव नै सडेकाले त्यसको पनि झिकेर लगेको अनुमान गरिएको छ । पहिचान हुन नसकेको मृत मृग घटनास्थलमै गाडिएको र अन्यको पनि मुचुल्का तयार पारी निकुञ्जको परिसरमै गाडिएको बताइएको छ । करीब १० दिनअघि ती मृग मारिएको हुनसक्ने अनुमान गरिएको छ ।

मृगलाई खुम्बु पासाङल्हामु गाउँपालिका वडा नम्बर ४ का वडाध्यक्ष लक्ष्मण अधिकारी, नेपाल प्रहरी, नेपाली सेना र निकुञ्जको टोलीको रोहवरमा मुचुल्का तयार पारी गाडिएको बताइएको छ । लकडाउनको मौका छोपी चोरी शिकार गरिएको हुन सक्ने निकुञ्ज प्रशासनले अनुमान गरेको छ ।

चोरी शिकारमा संलग्नको खोजी जारी रहेको र शङ्का लागेका व्यक्तिमा निगरानी बढाइएको संरक्षण अधिकृत उपाध्यायले बताउनुभयो । अन्य विभिन्न निकुञ्ज क्षेत्रमा वन्यजन्तुको गणना गरिए पनि सगरमाथा निकुञ्जमा अहिलेसम्म यस कार्य भएको छैन ।

विसं २०३२ मा स्थापित सो निकुञ्ज एक हजार १४८ वर्ग किमीमा फैलिएको छ । सगरमाथासमेत यही निकुञ्जभित्र पर्ने भएकाले यसलाई अति महत्वका साथ हेर्ने गरिएको छ । यही निकुञ्ज आसपास ६ हजार मिटरभन्दा अग्ला ल्होत्से, नुप्से, चोयू, ल्होत्सेसार, पुमोरी, आमादब्लम, थामसेर्कुलगायत हिमचुचुरा छन् ।

कस्तुरी मृग, हिमाली भालु, हिउँ चितुवा, थार, घोरल, झारल जस्ता वन्यजन्तुका साथै डाँफे, चिलिमे, कालिज, हिमकुखुरा, लालचुच्चे काग (टुंगा) र पहेंँलो चुच्चे कागलगायत १९३ प्रजातिका चरा पाइने बताइए पनि यसको सङ्ख्या र अवस्थाबारे अहिलेसम्म औपचारिक रुपमा सार्वजानिक नगराइएको स्थानीयवासीको भनाइ छ । बारम्बार चोरी शिकारी बढ्दै गएको घटनाप्रति वडाध्यक्ष अधिकारीले समेत चासो व्यक्त गर्नुभएको छ ।

अन्तिम अपडेट: कात्तिक ३०, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

सुवास दर्नाल

उज्यालोका सोलुखुम्बु सहकर्मी सुवास दर्नाल हिमाल एफएममा पनि कार्यरत हुनुहुन्छ ।

1 Comments

Ryan
April 28, 2020, 10:42 a.m.
यति महत्वपूर्ण निकुन्जको जनावरवारे अहिलेसम्म गणना नहुनु अत्यन्त हेलचेक्र्याइँ हो सरकारको / त्यहि भएर चोरहरु यति धेरै सक्रिय भएका छन् / यो सरकारको धेरै हेलचेक्र्याइँ हो / लक डाउन खुलेपछि सगरमाथा सहित सबै निकुन्जका जनावार र चराचुरुंगीको संख्या थाहा पाउन गणना गरोस् /
0 Reply

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

सगरमाथा राष्ट्रिय निकुञ्जमा ६ वटा मृग मृत फेला

1 Comments

Ryan

तपाईको प्रतिक्रिया

तपाईको प्रतिक्रिया