भोजपुर : लकडाउनमा जोखिम मोल्दै काम गर्न बाध्य ठूला आयोजनाका मजदूर

वैशाख १९, २०७७ शुक्रबार १९:३२:५ | बुद्ध तामाङ

भोजपुर - लकडाउनमा उच्च सतर्कता अपनाएर जिल्लाभित्र सञ्चालन भइरहेका ठूला योजनाका मजदूरहरु जोखिममा परेका छन् ।

सुरक्षा सामग्री साधन नहुँदा सयौँ मजदूरहरु सङ्क्रमणको जोखिममा परेका हुन् ।

जिल्लाभित्रका विभिन्न विकासे आयोजनामा काम गर्ने मजदूरहरु लकडाउनमा पनि काममा तल्लीन देखिन्छन् । तर एकातिर कोरोना सङ्क्रमणको जोखिम अर्कोतिर काम गर्दा लगाउने हेल्मेट, पञ्जा, जुत्ता जस्ता सुरक्षा साधन अभावले उनीहरु दोहोरो जोखिममा परेका छन् ।

निर्माणाधीन टक्सार पिखुवा खोला हाइड्रोपावरमा काम गर्ने झण्डै ३ सय मजदूरहरु लकडाउनले घर फर्कन नपाएपछि कम्पनीकै काममा लागिरहेका छन् ।
आयोजनाका एक मजदूर चट्टुलाल थारु भन्नुहुन्छ, ‘कोरोनाको सङ्क्रमणबाट बच्न ठेकेदार कम्पनीसँग मास्क, पञ्जा, सेनिटाइजर उपलव्ध गराउन माग गरे पनि अहिलेसम्म पाइएको छैन ।’

कम्पनीले भने सम्पूर्ण सुरक्षा सामग्री उपलब्ध गराए पनि मजदूरहरुले प्रयोगमा नल्याएको बताएको छ ।

‘धेरै कामदार चाहिने कामको समयमा सामाजिक दूरी अपनाउन पनि गाह्रो भएको छ, सकेसम्म हामीले दूरी कायम गर्ने प्रयास गरेका छौँ’, टक्सार पिखुवा खोला हाइड्रोपावर आयोजना प्रमुख लोकबहादुर नायकले बताउनुभयो ।

उहाँले मजदूरलाई आवश्यक पर्ने मास्क, सेनिटाइजर लगायतको सामग्री दिएको तर उनीहरुले प्रयोग नगर्ने गरेको जानकारी दिनुभयो।

जिल्ला प्रशासनले पनि संवेदनशील आयोजनाहरुमा उच्च सतर्कता अपनाएर कामलाई निरन्तरता दिएको जनाएको छ ।

‘कोरोना सङ्क्रमणको जोखिमका बेला मजदूरलाई घर पठाउनुभन्दा सतर्कता अपनाएर अधुरा रहेका काममा लगाउने प्रबन्ध गरिएको प्रमुख जिल्ला अधिकारी बसन्तराज पुरीले बताउनुभयो । उहाँले भन्नुभयो, ‘लक डाउन खुलेमा मात्र मजदूरहरुलाई घर पठाउन सकिन्छ, तर अहिले सकिँदैन ।’

प्रदेश सरकारको लगानीमा निर्माणाधीन पिखुवा खोला पुल, कावा खोला पुल, सिक्तेल पुल, ओरी खोला पुल निर्माणका कामले निरन्तरता पाएका छन् ।

त्यस्तै टक्सार पिखुवा खोला जलविद्युत्त आयोजना, ईर्खुवा खोला जलविद्युत्त आयोजना, चिर्खुवा खोला जलविद्युत्त आयोजनाका काम पनि सञ्चालनमा छन् ।

अन्तिम अपडेट: मंसिर ११, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

बुद्ध तामाङ

बुद्ध तामाङ भोजपुरका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्