संखुवासभामा जंगली च्याउ खाएर बिरामी हुनेको संख्या दश पुग्यो

वैशाख २२, २०७७ सोमबार २१:१४:३७ | नवीन गुरुङ

संखुवासभा - संखुवासभाको सभापोखरी गाउँपालिका-२ गोठगाउँमा जंगली च्याउ खाएर बिरामी हुनेको संख्या थपिएर १० जना पुगेको छ ।

जंगलबाट टिपेर ल्याएको च्याउ खाँदा तीन घर परिवारका १० जना बिरामी परेका हुन् ।

शनिबार बेलुकी च्याउको तरकारी खाएपछि २७ वर्षीय सन्देश राई, उहाँकी श्रीमती २४ वर्षीय मनिला राई, छोरी ३ वर्षीय सुपी राई बिरामी परेका हुन् ।

उनीहरुका छिमेकी २४ वर्षीय अनिता राई, २१ वर्षीय दिनेश राई र ३ वर्षीय छोरी आकांक्षा राई गरी ६ जना बिरामी परेपछि आइतबार दिउँसो जिल्ला अस्पताल खाँदबारीमा ल्याइएको थियो । यस्तै, राईका अर्का छिमेकी ३० वर्षीय कल्पना रिजाल र उनको छोरीहरु ६ वर्षीय फुलकुमारी, ११ वर्षीय सुस्मिता र १३ वर्षीय बालकुमारी आइतबार राती बिरामी परेका हुन् ।

उनीहरुलाई पनि सोमबार बिहान जिल्ला अस्पताल खाँदबारी ल्याइएको जिल्ला प्रहरी कार्यालय संखुवासभाका प्रहरी निरीक्षक सन्तोषकुमार राईले बताउनुभयो । अहिले उनीहरु १० जनाको नै अवस्था सामान्य रहेको जिल्ला अस्पताल खाँदबारीका निमित्त मेडिकल सुपरिण्टेण्डेण्ट डा. सुन्दर श्याम झाले बताउनुभयो ।

उहाँले जंगली च्याउ खाएर बिरामी परेकाहरुको उपचार भइरहेकाले डराउनु पर्ने अवस्था नरहेको उहाँले बताउनुभयो ।

गएको शनिबार सन्देश र मनिलाले जंगलबाट च्याउ टिपेर ल्याएपछि २ घर छिमेकीहरु अनिता राई र कल्पना रिजाललाई बाँडेर दिएका थिए ।

अन्तिम अपडेट: मंसिर १, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

नवीन गुरुङ

संखुवासभाका पत्रकार नवीन गुरुङ उज्यालोका जिल्ला सम्बाददाता हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्