प्रदेश ७ को राजधानी र नामाकरणका लागि विशेष सुझाव समिति गठन

साउन १४, २०७५ सोमबार १७:१:१८ | निर्मला खडायत

कैलाली – प्रदेश ७ को स्थायी राजधानी र नामाकरणको लागि सोमबार विशेष सुझाव समिति गठन गरिएको छ ।

सोमबारको संसद बैठकमा सभामुख अर्जुनबहादुर थापाले प्रदेशको स्थायी राजधानी तोक्न र नामाकरणका लागि प्रतिवेदन पेश गर्न प्रदेश सांसद तारा लामा तामाङको संयोजकत्वमा ५ सदस्यीय विशेष सुझाव समिति गठन गरिएको जानकारी दिनुभयो ।

समितिमा प्रदेश सांसद प्रेमप्रकाश भट्ट, बलदेव रेग्मी, श्यामलाल राना र चुनकुमारी चौधरी सदस्य रहेका छन् । समितिमा रहेका श्यामलाल राना नेपाली कांग्रेसका तर्फबाट निर्वाचित सांसद हुन् भने अन्य सबै नेकपाबाट निर्वाचित सांसद हुन् । यो समितिलाई यही साउन २१ गतेभित्र सरोकारवाला सबै पक्षसँग उपयुक्त छलफल गरी प्रतिवेदन पेश गर्ने जिम्मेवारी दिइएको पनि सभामुख थापाले बताउनुभयो ।

समितिका संयोजक तारा लामा तामाङले आफूहरुलाई तोकिएको समयभित्र सरोकारवाला सबै पक्षसँग छलफल गरी विवादरहित स्थान र नामाकरणसहित प्रतिवेदन पेश गर्ने प्रयत्न गर्ने बताउनुभयो ।

हाल प्रदेश ७ को अस्थायी राजधानी कैलालीको धनगढीमा छ । स्थायी राजधानीका लागि कसैले कैलालीको अत्तरिया त कसैले डोटीको दिपायल पनि प्रदेशको राजधानी हुनुपर्ने विचार व्यक्त गरेका छन ।

अन्तिम अपडेट: मंसिर ४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

निर्मला खडायत

खडायत कैलालीका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्