काठमाण्डौ - मोरङको विराटनगरमा रहेको कोशी अस्पतालमा उपचार गराइरहेका ८ जना कोरोना सङ्क्रमित आज डिस्चार्ज भएसँगै कुल डिस्चार्ज हुने बिरामीको संख्या ३० पुगेको छ । 

मन्त्रालयले आयोजना गरेको नियमित प्रेस ब्रिफिङमा प्रवक्ता विकास देवकोटाले अहिले रुपन्देहीमा ३ जना, नेपालगंजमा २४ जना, धनगढीमा १ जना, भरतपुरमा १ जना, विरगंजमा २६ जना र विराटनगरमा १७ जना बिरामीहरुको उपचार भइराखेको  बताउनुभयो ।

प्रदेश अनुसार प्रदेश १ मा ३१ जना, प्रदेश २ मा ३० जना, वाग्मती प्रदेशमा ७ जना, गण्डकी प्रदेशमा २ जना, प्रदेश ५ मा २७ जना, र सूदुरपश्चिम प्रदेशमा ५ जना संक्रमित रहेका छन् । 

अहिलेसम्म देशभर १५ हजार ६ सय २४ जना क्वरेन्टीनमा रहेका छन् । यसमध्ये प्रदेश १ मा १ हजार ६ सय ४५ जना, प्रदेश २ मा १ हजार २ सय ९१जना, वाग्मती प्रदेशमा २ सय ७२ जना, गण्डकी प्रदेशमा ५ सय ११ जना, प्रदेश ५ मा ५ हजार ८ सय ७ जना करेन्टीनमा रहेका छन् । 

यस्तै, कर्णाली प्रदेशमा २ हजार ७ सय ५ जना र सूदुरपश्चिम प्रदेशमा ३ हजार ३ सय ९३जना क्वरेन्टीनमा रेका छन् । आइसोलेसनमा १ सय ३५ जना रहेका छन् । यसमध्ये ३ जना काठमाण्डौ उपत्यकामा रहेका छन भने उपत्यका बाहिर १ सय ३२ जना रहेका छन् ।