आँखामा खुर्सानीको धुलो छर्केर श्रीमती र छोरीहरुबाट निर्घात कुटिए नरबहादुर

जेठ १३, २०७५ आइतबार १६:४५:३९ | उपेन्द्र येक्तेन

पाँचथर, जेठ १३ – पाँचथरको फिदीम नगरपालिका–११, फेवादिनका नरबहादुर बुढाथोकीलाई श्रीमती र आफ्नै दुई जना छोरीहरुले निर्घात कुटपिट गरेका छन् ।

५३ वर्षका नरबहादुरलाई श्रीमती कुन्ता र दुई छोरीहरु चन्द्रकला र वविता मिलेर आँखामा खुर्सानीको धुलो छर्केर दुवै हात र खुट्टा बाधेर कुटपिट गरेको खुलासा भएको हो । निर्घात कुटिएका बुढाथोकीको पाँचथर अस्पतालको सहकार्यमा सञ्चालनमा रहेको एकद्धार संकट व्यस्थापन केन्द्रमा उपचार भइरहेको छ । उहाँको दुवै आँखामा खुर्सानीको धुलो हालिएको कारण गम्भीर असर परेको अस्पतालले जनाएको छ ।

टाउको र दाँया हातमा ४÷४ टाँका लागेको छ । यस्तै शरीरका विभिन्न भागमा निलडाम र चोट लागेको छ । श्रीमती र बिहे गरिसकेका छोरीहरु माइत आएर आमा छोरी मिलेर नरबहादुरलाई निर्घात कुटपिट गरी खोल्सामा लगेर फालेको र त्यसपछि आफू रोइ कराइ गरेपछि छिमेकीहरुले थाहा पाएर उद्धार गरेको पीडित बुढाथोकीले बताउनुभयो ।

श्रीमानलाई कुटपिट गर्ने श्रीमती र छोरीहरुलाई पक्राउ गरिएको प्रहरीले जनाएको छ । घटनाको बारेमा अनुसन्धान भइरहेको पाँचथर प्रहरीले जानकारी दिएको छ । बुढाथोकीको परिवारमा पहिलादेखि नै श्रीमान र श्रीमतीबीचमा विवाद रहदैं आएको स्थानीयले बताएका छन् । घटना बुधबार राति नै भए पनि शनिबारमात्र सार्वजनिक भएको हो ।

अन्तिम अपडेट: मंसिर ८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

उपेन्द्र येक्तेन

पाँचथरका उज्यालो सहकर्मी उपेन्द्र येक्तेन इगल एफएममा पनि काम गर्नुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्