बैतडीको २ ठाउँमा सशस्त्र प्रहरीको बीओपी स्थापना हुँदै

जेठ ७, २०७७ बुधबार १२:२:१२ | जयराज अवस्थी

बैतडी - भारतसँग सीमा जोडिएका २ ठाउँमा सशस्त्र प्रहरीको सीमा निगरानी चौकी (बीओपी) स्थापना हुने भएको छ ।

भारतसँग सीमा जोडिएको जिल्लाको ६१ किलोमिटर क्षेत्रमध्ये दशरथचन्द नगरपालिकास्थित झुलाघाट र तल्लोस्वराड क्षेत्रको पञ्चेश्वर गाउँपालिकाको रोलघाटमा बिओपी स्थापना हुने भएको छ ।

सीमा जोडिएका ठाउँमा बीओपी स्थापनाको लागि उपयुक्त जग्गा खोजी भइरहेको बैतडीका प्रमुख जिल्ला अधिकारी आनन्द पौडेलले जानकारी दिनुभयो ।
सीमा क्षेत्रमा बीओपी स्थापना भएपछि सीमा सुरक्षाका लागि सहज हुने सशस्त्र प्रहरीको नम्बर ५१ गुल्म बैतडीका प्रमुख सशस्त्र प्रहरी नायब उपरीक्षक अमित सिंहले बताउनुभयो ।

अहिलको अवस्थामा सीमाक्षेत्रमा खटिएका सशस्त्र प्रहरी असुरक्षित तरीकाले अस्थाई पोष्ट स्थापना गरी सुरक्षा दिइरहेका छन् ।
बैतडीको तल्लोस्वराड क्षेत्रको शिवनाथ गाउँपालिकाको कुस्मौद घाट, पञ्चेश्वर गाउँपालिकाको रोलघाट, पञ्चेश्वर गाँपालिकाकै विनायक घाट र पञ्चेश्वरको रोडीदेवलमा अस्थाई पोष्ट स्थापना गरी सशस्त्र प्रहरी सिमारक्षाका लागी खटिएका छन् ।

दशरथचन्द नगरपालिकाको बारकोट र सेरामा पनि सशस्त्र प्रहरीले पहरा दिइरहेको जनाईएको छ ।

पछिल्लो समयमा भारतसँग सीमा जोडिएका नाकाहरुबाट अवैधानिक तरीकाले ट्युबमार्फत महाकाली तरेर भारतबाट नेपालीहरु फर्कन थालेपछि सीमा क्षेत्रमा थप कडाइ गर्न थालिएको हो ।

यसरी अवैधानिक रुपमा नेपाल प्रवेश गर्दा विभिन्न जोखिम हुने भएकाले सीमा क्षेत्रमा निगरानी बढाइएको जनाइएको छ ।

अन्तिम अपडेट: मंसिर ५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

जयराज अवस्थी

जयराज अवस्थी बैतडीका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्