भारतबाट उद्धार गरिएका २३ जनाको पीसीआर रिपोर्ट 'नेगेटिभ'

जेठ १२, २०७७ सोमबार १६:७:० | नवीन गुरुङ

सङ्खुवासभा – भारतबाट उद्धार गरी सङ्खुवासभा ल्याइएका २३ जनाको आइतबार पीसीआर रिपोर्ट नेगेटिभ आएको छ । शनिबार रुपन्देही जिल्लाको सुनवल नाकाबाट सङ्खुवासभा आइपुगेका २३ जनाको स्वाब सङ्कलन गरेर धरानकाे वीपी कोइराला स्वास्थ्य विज्ञान प्रतिष्ठान पठाइएको थियो ।

२३ जनाकै पीसीआर रिपोर्ट नेगेटिभ आएको स्वास्थ्य कार्यालय सङ्खुवासभाका प्रमुख रमेश बाह्रकोटीले बताउनुभयो । उहाँले भन्नुभयो, 'यसअघि नै रुपेन्देही जिल्लाको क्वरेण्टीमा २३ जनाको आरडीटी रिपोर्ट नेगेटिभ आएकाले अहिले स्वाब सङ्कलन गरेर धरान पठाएका थियौँ । सबै जनाको पीसीआर रिपोर्ट नेगेटिभ आएको छ ।'

दुई हप्ताअघि उनीहरु भारतबाट लुकेर सुनवल नाका हुँदै रुपन्देही जिल्ला आइपुगेका थिए । अलपत्र परेका नागरिकले आ-आफ्नो पालिकासँग उद्धारका लागि अनुरोध गरेका थिए । रुपन्देही जिल्लाको क्वरेण्टीनमा बसेका २३ जनालाई नै आ-आफ्नो पालिकाको खर्चमा उद्धार गरिएको मादी नगरपालिका मेयर विदुर सुब्बा लिङ्थेपले जानकारी दिनुभयो ।

जिल्ला ल्याइएकामध्ये मादी नगरपालिकाका नाै, चैनपुर नगरपालिकाका पाँच र खाँदबारी नगरपालिकाका एक जनालाई धर्मदेवी नगरपालिका ४ पिलुवामा निर्माण गरिएको क्वरेण्टीनमा राखिएको छ ।

पाँचखपन नगरपालिकाका सात जनालाई पाँचखपनकै क्वरेण्टीनमा राखिएको छ भने सभापोखरी गाउँपालिकाका एक जनालाई सभापोखरीकै क्वरेण्टीनमै राखिएको छ । उनीहरुकोे पीसीआर रिपोर्ट नेगेटिभ आएपछि सबै जना ढुक्क भएको स्वास्थ्य कार्यालयको भनाइ छ ।

जिल्लाको १० वटै पालिकाले आआफ्नो पालिकामा क्वरेन्टीन निर्माण गरेको छ । जिल्लाभर एक सय ८२ जना क्षमताको क्वरेण्टीन बेड निर्माण गरेको छ । अहिलेसम्म १० वटै पालिकामा एक सय ३२ जना क्वरेण्टीनमा रहेका छन् ।

अन्तिम अपडेट: कात्तिक २९, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

नवीन गुरुङ

संखुवासभाका पत्रकार नवीन गुरुङ उज्यालोका जिल्ला सम्बाददाता हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्