महाराष्ट्रमा उत्पात मच्चाएकाे निसर्ग चक्रवात कमजाेर बन्दै

जेठ २२, २०७७ बिहीबार ९:४:२३ | एजेन्सी

काठमाण्डाै – भारतकाे महाराष्ट्र राज्यमा उत्पात मच्चाएकाे निसर्ग चक्रवात कमजाेर हुँदै गइरहेकाे छ । भारतीय माैसम विभागका अनुसार याे चक्रवात बिस्तारै–बिस्तारै अझ कमजाेर हुनेछ ।

समाचार एजेन्सी पीटीआईका अनुसार निसर्ग चक्रवात अब उत्तर–पूर्व महाराष्ट्रतर्फ बढिरहेकाे छ । महाराष्ट्रको रायगढ जिल्ला हुँदै नासिक र मध्य प्रदेशतर्फ अघि बढेको हो । अब नासिक, धुले र नंदुरबारमा निरसर्ग चक्रवातकाे प्रभाव पर्ने सम्भावना छ । माैसम विभागका महानिर्देशक मृत्युञ्जय महापात्रका अनुसार निसर्ग १२० किलाेमिटर प्रतिघण्टाकाे गतिमा उत्पात मच्चाएकाे थियाे ।

महामात्रका अनुसार याे चक्रवातको असर पुनेमाथि केन्द्रित छ । तुफान कमजाेर भएर तुफानी चक्रवातमा परिणत भएकाे छ । अब हावाकाे गति ६५ देखि ७५ किलाेमिटर प्रतिघण्टा भएकाे छ ।

चक्रवातको कारण महाराष्ट्रको रायगढ जिल्लामा एक ५८ वर्षीय पुरुषको ज्यान गएको छ । एजेन्सीका अनुसार तीव्र गतिको हावाको कारण ट्रान्सफर्मर ढलेर लाग्दा उनको ज्यान गएको हो ।

छत्रपति शिवाजी महाराज अन्तर्राष्ट्रिय विमानस्थलमा पनि आवागमन सुरु भएकाे छ ।

निरर्गले गुजरातकाे दक्षिणी तटमा कुनै ठूलाे क्षति नपुर्‍याएकाे बताइएकाे छ । समाचार एजेन्सी पीटीआईका अनुसार गुजरात सरकारले आठ जिल्लाकाे तटीय क्षेत्रका ६३ हजार सात सयभन्दा धेरै मानिसलाई सुरक्षित ठाउँमा पुर्‍याएकाे थियाे ।

भारतकाे राष्ट्रिय आपत् प्रतिक्रिया बल (एनडीआरएफ) का १८ टिम र राज्य आपत् प्रतिक्रिया बल (एसडीआरएफ) का ६ टिम उद्धार कार्यकाे लागि तैनाथ गरिएकाे थियाे ।

अन्तिम अपडेट: मंसिर ४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्