कर्णालीमा ४२ प्रतिशत कोरोना सङ्क्रमित निको भए

असार ८, २०७७ सोमबार १०:४४:५१ | मुना हमाल

सुर्खेत – कर्णाली प्रदेशमा कोरोनाबाट निको हुनेको संख्या बढ्दै गएको छ । अहिलेसम्म ४२ प्रतिशत अर्थात पाँचसय ३१ जना निको भएर घर फर्किसकेका छन् ।

सामाजिक विकास मन्त्रालय अन्तर्गतको स्वास्थ्य सेवा महाशाखाका अनुसार जाजरकोटमा एक, जुम्लाका २५, कालिकोटमा २७, सल्यानका ४४, सुर्खेतका ९३ र दैलेखका तीनसय ४१ जना निको भएका छन् । कर्णाली प्रदेशमा अहिलेसम्म चार जनाको कोरोना सङ्क्रमणका कारण ज्यान गइसकेको छ । सुर्खेतमा २, डोल्पा र दैलेखका एक/एक जनाको कोरोना सङ्क्रमणका कारण ज्यान गएको हो ।

अहिलेसम्म कर्णालीमा एक हजार दुईसय ५६ जनामा कोरोना सङ्क्रमण देखिएको छ । त्यसमध्ये १६ जना कर्णालीका विभिन्न जिल्लामा बस्दै आएका अन्य प्रदेशका हुन् । कर्णाली प्रदेशका सबै जिल्लामा कोरोना संक्रमण फैलिएको छ । सबैभन्दा बढी कोरोना सङ्क्रमितको संख्या दैलेखमा छ । दैलेखमा कोरोना सङ्क्रमितको संख्या सातसय ११ रहेको छ ।

यस्तै सुर्खेतमा दुईसय ७९, सल्यानमा एक ६९, कालिकोटमा ४२, जुम्लामा २४, जाजरकोटमा १०, मुगुमा दुई, हुम्ला, डोल्पा र रुकुमपश्चिममा एक/एक जना कोरोना सङ्क्रमित छन् ।

अहिलेसम्म भेटिएका सङ्क्रमितमध्ये एक हजार एकसय ५३ जना पुरुष र एकसय तीन जना महिला रहेको स्वास्थ्य सेवा महाशाखाले जनाएको छ ।

अन्तिम अपडेट: मंसिर २, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

मुना हमाल

मुना हमाल सुर्खेतका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्