अमेरिकामा २४ घण्टामा ४० हजारभन्दा धेरै सङ्क्रमित थपिए

असार १३, २०७७ शनिबार ११:३८:४४ | उज्यालो सहकर्मी

अमेरिकामा गएको २४ घण्टामा ४० हजारभन्दा धेरैमा कोरोना सङ्क्रमण पुष्टि भएको छ ।

२४ घण्टामा भएको सङ्क्रमणमध्ये यो अहिलेसम्मकै धेरै भएको बीबीसीले जनाएको छ । फ्लोरिडा राज्यमा मात्रै झन्डै ९ हजार नयाँ सङ्क्रमित थपिएका छन्, जुन अघिल्लो दिनको तुलनामा ६२ प्रतिशतले बढी हो । कोरोना सङ्क्रमित व्यक्तिहरूको सँख्या बढेसँगै फ्लोरिडा र टेक्सस दुवै राज्यले फेरि लकडाउन लगायतका प्रतिबन्ध लगाउन थालेका छन् ।

अमेरिकामा हालसम्म २५ लाखभन्दा बढी व्यक्तिमा सङ्क्रमण पुष्टि भएको छ भने एक लाख २७ हजारभन्दा धेरैले ज्यान गुमाएका छन्।

यसैबीच सरकारका एक प्रमुख सल्लाहकार डा। एन्थोनी फाउचीले अमेरिकामा गम्भीर समस्या रहेको बताउनुभएको छ । १६ राज्यहरुमा कोरोना भाइरसका सङ्क्रमितहरुको संख्या लगातार बढ्दो क्रममा रहेका बेला डा। फाउचीले चिन्ता व्यक्त गर्दै अमेरिकामा रहेको ‘गम्भीर समस्या’ का कारण सङ्क्रमण नियन्त्रणमा आउन नसकेको बताउनुभएको हो ।

अमेरिकी स्वास्थ्य अधिकारीहरूका अनुसार देशमा सङ्क्रमित व्यक्तिहरूको सङ्ख्या अहिले भनिँदै आएकोभन्दा कैयौँ गुना बढी हुनसक्छ।

बिहीवार सेन्टर्स फर डिजीजेज कन्ट्रोल (सीडीसी)ले सङ्क्रमितको वास्तविक सङ्ख्या अहिले पुष्टि भएका सङ्क्रमणभन्दा दश गुना बढी हुनसक्ने बताएको थियो।

अन्तिम अपडेट: माघ ३०, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्