'विश्वव्यापी महामारीकाे रुप लिन सक्ने' नयाँ भाइरस फेला पर्‍याे

असार १६, २०७७ मंगलबार १४:२१:४५ | एजेन्सी

काठमाण्डाै – चीनमा वैज्ञानिकहरुले महामारीको रुप लिन सक्ने नयाँ भाइरसको पहिचान गरेका छन् । अहिलेसम्मको जानकारी अनुसार यो भाइरस सुँगुरमा हुन्छ तर यसले मानिसलाई पनि सङ्क्रमित गर्न सक्छ ।

यो फ्लु भाइरसले आफ्नो स्वरुप बदल्न सक्ने, एक व्यक्तिबाट अर्काे व्यक्तिमा सहजै सर्न सक्ने र महामारीको रुप लिन सक्ने भन्दै अनुसन्धानकर्ताहरु चिन्तित बनेका छन् ।

मानिसमा सङ्क्रमण सर्न सक्ने सबै लक्षण यो भाइरसमा रहेको उनीहरुले बताएका छन् । यही कारण यो भाइरसप्रति सजग हुनुपर्नेमा उनीहरुले जोड दिएका छन् ।

यो नयाँ भाइरस भएकोले यसप्रति मानिसको रोग प्रतिरोधक क्षमता नहुने र अत्यन्तै कम मात्रामा हुने बताइएको छ ।

अहिले विश्व नै कोरोना महामारी समाप्त गर्ने अभियानमा लागिरहँदा शीर्ष रोज विशेषज्ञ इन्फ्लुएन्जाको नयाँ र खतरनाक फ्लु भाइरसलाई लिएर सचेत भएका छन् ।

सन् २००९ मा फैलिएको स्वाइन फ्लु महामारी मानिसहरुले सोचेकोजस्तो त्यति खतरनाक थिएन, किनकि त्यो भाइरस त्यसअघि आएका भाइरसजस्तै थिए । यही कारण मानिसहरुले त्यो भाइरससँग सङ्घर्ष गर्न क्षमता राखेका थिए ।

त्यो भाइरसको नाम A/H1N1pdm09 थियो र यसको खोप वार्षिक रुपमा दिइँदै आइएको छ ।

चीनमा अहिले जुन भाइरसको पहिचान गरिएको छ, त्यो सन् २००९ को स्वाइन फ्लुजस्तै छ तर केही नयाँ परिवर्तित रुपमा देखिएको छ ।

अहिलेसम्म यो भाइरसबाट कुनै खतरा उत्पन्न नभएको तर प्रोफेसर किन–चाओ चेङ्ग र उनका साथी यो भाइरसलाई नजरअन्दाज गर्न नसकिने बताउँछन् ।

G4 EA H1N1 नामको यो भाइरस मानिसको श्वासनलीमा फस्टाउने आफ्नो सङ्ख्या बढाउन सक्ने वैज्ञानिकहरु मान्छन् ।

अन्तिम अपडेट: मंसिर ८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्