'एक रुपैयाँ खाए पनि भ्रष्टाचार हाे, अरबाैँ रुपैयाँ खाए पनि भ्रष्टाचार हाे, कसैलाई छाड्दैनाैँ'

साउन ११, २०७७ आइतबार १९:८:५८ | उज्यालो सहकर्मी

काठमाण्डौ – अख्तियार दुरुपयोग अनुसन्धान आयोगका प्रमुख आयुक्त नवीन घिमिरेले साना र ठूला मापन नगरि भ्रष्टाचारीलाई कारबाही गर्ने गरिएको दाबी गर्नुभएको छ । 

एक रुपैयाँ घुस खाने र अरबाैँ रुपैयाँ खाने दुबै भ्रष्टाचारी भएकाले साना र ठूला मापन नगरि कारबाही गर्ने गरिएको उहाँले बताउनुभएको हो । संसद्को राज्य व्यवस्था तथा सुशासन समितिमा भएको छलफलमा उहाँले अहिले घुस लिने मोडालिटीसमेत भ्रष्टाचारीहरुले परिवर्तन गर्ने गरेको बताउनुभयो । 

कतिपय स्टिङ अपरेशनका क्रममा भारतमा गएर घुसबापतको रकम लिने, अर्काको खातामा रकम जम्मा गर्न लगाउने प्रवृत्ति देखिएको उहाँले बताउनुभयो । प्रमुख आयुक्त घिमिरेले पालिकाका जनप्रतिनिधिको सम्पत्ति छानबिनमा आयोग सक्रिय रहेको बताउनुभयो । 

उपभोक्ता समितिले ठेक्का लगाएर काम गराउने प्रवृतिले पनि भ्रष्टाचार बढाएको उहाँले बताउनुभयो । घिमिरेले सरकारलाई पटक–पटक नीतिगत निर्णयको व्याख्या गर्न आग्रह गर्दा पनि सम्बोधन हुन नसकेको बताउनुभयो । भ्रष्टाचार अख्तियार एक्लैले नियन्त्रण गर्न सक्ने विषय नभएकाले सबैको एकीकृत र समन्वयात्मक प्रयत्न भए मात्रै न्यूनीकरण गर्न सकिने बताउनुभयो ।

अन्तिम अपडेट: माघ २८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

1 Comments

Prakash Kunwar
July 26, 2020, 7:20 p.m.
कुरा त सबैले राम्रो नै गर्छन , तर काम सबैको उही हो /
0 Reply

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

'एक रुपैयाँ खाए पनि भ्रष्टाचार हाे, अरबाैँ रुपैयाँ खाए पनि भ्रष्टाचार हाे, कसैलाई छाड्दैनाैँ'

1 Comments

Prakash Kunwar

तपाईको प्रतिक्रिया

तपाईको प्रतिक्रिया