प्रदेश १ : कोरोना प्रभावित किसानलाई सात करोड ९१ लाख अनुदान

साउन १२, २०७७ सोमबार १३:२२:२२ | सुमन तिमल्सिना

माेरङ – प्रदेश १ काे भूमि व्यवस्था कृषि तथा सहकारी मन्त्रालयले आर्थिक वर्ष २०७६/०७७ को बजेटबाट कोभिड–१९ प्रभावित किसानलाई राहत सहयोग अनुदानमार्फत सात करोड ९१ लाख ७४ हजार रुपैयाँ प्रदान गरेको छ ।

कोरोना प्रकाेपकाे कारण समस्या झेलेकाे तथा क्षति भाेगेकाहरुबाट आएको विवरणका आधारमा राहत वितरण गरिएको प्रदेश १ सरकारका भूमि व्यवस्था कृषि तथा सहकारी मन्त्रालयका प्रवक्ता डाक्टर राजेन्द्र उप्रेतीले बताउनुभयो । प्रदेश सरकारले पहिलो चरणमा किसानको क्षतिको विवरण सङ्कलन गरिएअनुसार सहकारी मन्त्रालयमार्फत तीन लाख ५४ हजार ढुवानी अनुदान दिइएको छ ।

कृषि विकास निर्देशनालयमार्फत एक हजार तीन सय १० जना किसानलाई चार करोड ४२ लाख १६ हजार वितरण गरिएको प्रवक्ता उप्रेतीले जानकारी दिनुभयो । पशुपंक्षी तथा मत्स्य विकास निर्देशनालयमार्फत तीन सय ६९ किसानलाई तीन करोड ४६ लाख तीन हजार कोभिड–१९ प्रभावित किसानलाई राहत सहयोग अनुदान वितरण गरिएको मन्त्रालयले जनाएको छ ।

प्रदेश १ का १४ जिल्लाबाट प्राप्त भएको विवरणका आधारमा फिल्ड भेरिफिकेशनका आधारमा एक हजार ६ सय ८० जना किसानले राहत पाएको प्रवक्ता उप्रेतीले बताउनुभयो ।

मन्त्रालयले विराटनगरमा आयोजना गरेको पत्रकार सम्मेलनमा बोल्दै राज्यमन्त्री रामबहादुर रानाले कोभिड–१९ प्रभावित राहत सहयोग अनुदान कार्यक्रममा दुग्धजन्य पदार्थ उत्पादन, बिक्री, कुखुरा, बङ्गुर पालन, हरियो चियापत्ती, तरकारी तथा फलफुल, च्याउ खेती, कृषि ऋणमा ब्याज छुट, विद्युत् महसुल छुट र कृषि ढुवानीमा रहेको जानकारी दिनुभयो ।

प्रदेश सरकारले कोरोना प्रकोपका कारण रोजगारी गुमाएका र बेरोजगार युवालाई लक्षित गरी नयाँ कार्यक्रम ल्याएको छ । जसका लागि प्रदेश सरकारले प्रति युवा पाँच लाखका दरले ऋण उपलब्ध गराउने र त्यसको ब्याज प्रदेश सरकारले तीन वर्षसम्म तिरिदिने गरी कार्यक्रम ल्याइएको मन्त्री रानाले बताउनुभयो ।

सरकाले छुट्याएको १५ करोडबाट तीन अर्ब ऋण प्रवाह हुने भएकोले त्यसलाई रोजगारीमा लगाउनको लागि तयारी भइरहेको बताउनुभयो । त्यसको लागि कार्यविधि बनाएर प्रभावकारी बनाइने तयारी सरकारको छ । रोजगारी निर्माणको लागि १५ करोड र पालिकासँगको समन्वयको लागि पाँच करोड रकम छुट्याइएको मन्त्री रानाले जानकारी दिनुभयो ।

आर्थिक वर्षको अन्त्यसम्ममा मन्त्रालयले ३५ दशमलव ८१ प्रतिशत खर्च गरेको छ । वार्षिक विनियोजित बजेट तीन अर्ब १९ करोड ३७ लाखबाट त्यति प्रतिशत खर्च भएको हो ।

अन्तिम अपडेट: मंसिर १५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

सुमन तिमल्सिना

सुमन तिमल्सिना मोरङका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्