काठमाण्डाै – काठमाण्डाै उपत्यकामा कोरोना भाइरस सङ्क्रमणको जोखिम बढेपछि सरकारले काठमाण्डौ प्रवेश गर्ने मुख्य तीन वटा नाकामा कोरोना परीक्षण सुरु गरेको छ ।

त्यसका लागि अहिले नमुना सङ्कलनको काम भइरहेको छ । काठमाण्डौ प्रवेश गर्ने मुख्य नाका नागढुङ्गा, साँगा र फर्पिङ नाकामा नमुना सङ्कलन भइरहेको स्वास्थ्य तथा जनसङ्ख्या मन्त्रालयले जनाएको छ ।

मन्त्रालयका प्रवक्ता डाक्टर जागेश्वर गौतमले दिउँसो ४ बजेसम्ममा यी नाकाबाट चार हजार आठ सय १३ वटा नमुना सङ्कलन गरेको जानकारी दिनुभयो । उहाँका अनुसार नागढुङ्गामा दुई हजार नाै सय १४ जनाको नमुना सङ्कलन गरिएकाे छ ।

यस्तै फर्पिङ नाकाबाट नाै सय ५५ र साँगा नाकाबाट नाै सय ४४ वटा नमुना सङ्कलन गरिएको छ । सङ्लन गरिएकाे नमुनाकाे परीक्षणपछि आवश्यक सुरक्षा सतर्कता अपनाउने सरकारको तयारी छ ।

मङ्गलबार काठमाण्डौ उपत्यकाका ५३ जनामा कोरोना भाइरसको सङ्क्रमण पुष्टि भएको छ ।