अस्ट्रेलिया आगलागी : 'झण्डै ३ अर्ब जीवजन्तु प्रभावित'

साउन १३, २०७७ मंगलबार २२:११:५४ | एजेन्सी

काठमाण्डाै – अस्ट्रेलियाकाे जङ्गलमा लागेको भीषण आगलागीमा परि झण्डै तीन अर्ब जनावर मरेका वा विस्थापित भएकाे वैज्ञानिकले बताएका छन् ।

अस्ट्रेलिया युनिभर्सिटका वैज्ञानिकले आधुनिक इतिहासमा नै वन्यजन्तुका लागि सबैभन्दा खराब अवस्थामध्ये यो एक भएको बताएकाे बीबीसीले जनाएको छ । वर्ल्ड वाइड फण्ड फर नेचर 'डब्ल्यूडब्लू्यूएफ' ले आगलागीको चपेटामा धेरै स्तनधारी, घिस्रने जनावर, पंक्षी र भ्यागुता परेकाे जनाएकाे छ ।

गएको वर्ष लागेको यो डढेलोमा परी ३३ जना मानिसको पनि ज्यान गएको थियो । डढेलोका कारण सबैभन्दा बढी न्यु साउथ वेल्स र भिक्टोरिया पीडित बन्यो भने क्युन्सल्यान्ड, दक्षिण अस्ट्रेलिया, तास्मानिया र पश्चिम अस्ट्रेलियासमेत चपेटामा परे ।

सङ्कटको बेला वैज्ञानिकले न्यू साउथ वेल्स र भिक्टोरियामा एक अर्ब २५ करोड जनावर मरेकाे हुन सक्ने अनुमान गरेका थिए । तर यो अनुमान विपरीत हुने गरी डढेलो फैलिएपछि अनुमान गरेभन्दा धेरै वन्यजन्तु मरेकाे खबरमा उल्लेख छ । आगलागीपछि वन्यजन्तुले खाना र आश्रयका लागि सङ्घर्ष गरिरहेकाे बीबीसीमा उल्लेख छ ।

अस्ट्रेलिया सरकारले आगलागीपछि एक सय प्रजातिका जनावरको पहिचान गरी उनीहरलाई तत्काल सहयोगको आवश्यक्ता रहेको बताएको थियो । जङ्गल र घाँसे मैदानमा आगलागी हुँदा वन्यजन्तुले ३० प्रतिशत बासस्थान गुमाएका थिए । अस्ट्रेलियाको जङ्गलमा भएकाे आगलागीमा बाँचेका जनावरका लागि खानका लागि केही पनि नबचेको विश्लेषकले बताएका थिए ।

यस्तै विशेषज्ञले आगलागीबाट निस्केकाे धुवाँको मुस्लोका कारण चार सय ४५ भन्दा धेरै वन्यजन्तु मारिएकाे पनि बताएका छन् ।

अन्तिम अपडेट: मंसिर ९, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्