विराटनगरमा फेरि दुई हप्ता लकडाउन

साउन १६, २०७७ शुक्रबार १७:५४:० | सुमन तिमल्सिना

माेरङ – विराटनगर महानगरपालिकाले शुक्रबार रातिदेखि लागू हुने गरी लकडाउन गर्ने निर्णय गरेको छ ।

कोरोना भाइरस सङ्क्रमण समुदायस्तरमा फैलिएकोले त्यसलाई रोकथाम तथा नियन्त्रण गर्न लकडाउन गर्ने निर्णय गरेको हो । महानगरमा कोरोना सङ्क्रमितको सङ्ख्या एक सय आठ पुगेपछि लकडाउनको घोषणा गरिएको हो । लकडाउन बिहीबार राति १२ बजेदेखि साउन ३० गते राति १२ बजेसम्म कायम हुने महानगरपालिकाले जनाएको छ ।

निर्णय उल्लङ्घन गर्नेलाई कानुनी कारबाही गर्ने मोरङका निमित्त प्रमुख जिल्ला अधिकारी ध्रुवबहादुर खड्काले जानकारी दिनुभयो । कोरोना भाइरसको चेन तोड्नको लागि महानगरबाट भएको निर्णयअनुसार त्यसको कार्यान्वयनमा जान लागिएको खड्काले बताउनुभयो ।

काेराेना सङ्क्रमण रोकथामका लागि भिडभाड रोक्ने र अनावश्यक आवागमन नियन्त्रण आवश्यक भएकोले महानगरले सबैसँग समन्वय गरेर लकडाउन गरेकोले गृह प्रशासनको तर्फबाट त्यसलाई कार्यान्वयन गरिने उहाँले बताउनुभयो । त्यसको उल्लङ्घन गरिएमा थुनामा राखेर कारबाही गर्ने प्रशासनकाे तयारी छ ।

लकडाउनको अवधिमा नगर क्षेत्रभित्र अत्यावश्यक सेवाबाहेक सबै सवारी साधन, बजार तथा पसल, उद्योग, व्यवसाय, नयाँ र पुरानो दुवै गुद्री बजार बन्द रहने महानगरका मेयर भीम पराजुलीले जानकारी दिनुभयो ।

लकडाउनको अवधिमा खाद्यान्न तरकारी, फलफुल, औषधि, दूध, पानी, अक्सिजन, इन्धन, वारुणयन्त्र, अस्पतालको बहिरङ्गबाहेकको सेवा, सरसफाइकर्मी, स्वास्थ्यकर्मी, सञ्चार, आईसीपीबाट हुँदै चल्ने मालवाहक गाडी भने सामाजिक दुरी र स्वास्थ्य सुरक्षा पालना गरेर सञ्चालन हुनेछन् ।

महानगरपालिकाले सङ्क्रमण रोकथाम तथा नियन्त्रणका लागि अनावश्यक हिँडडुल नगर्न र सबैले घरमै बसेर सहयोग गर्न आह्वान गरेको छ । साथै स्वास्थ्य सुरक्षासम्बन्धी सबै नियमको पालना गर्न पनि महानगरले भनेको छ ।

अन्तिम अपडेट: मंसिर १४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

सुमन तिमल्सिना

सुमन तिमल्सिना मोरङका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्