नेप्से ११ अङ्कले बढ्यो, झण्डै १ अर्ब रुपैयाँको कारोबार

साउन २५, २०७७ आइतबार १८:३:५८ | उज्यालो सहकर्मी

काठमाण्डौ – धितोपत्र बजारमा कारोबार मापक नेप्से परिसूचक आइतबार ११ अङ्कभन्दा धेरैले बढेको छ । कारोबार हुने हप्ताको पहिलो दिन परिसूचक ११ दशमलव ३ अङ्कले बढेर १३ सय ९२ दशमलव ६८ अङ्कमा पुगेको नेपाल स्टक एक्सचेन्ज लिमिटेडले जनाएको छ ।

यस्तै ‘क’ वर्गका कम्पनीहरुको मापन गर्ने सेन्सेटिभ इण्डेक्स पनि १ दशलमव ४६ अङ्कले बढेको छ । आइतबार होटल समूहबाहेक सबै समूहका उपसूचक बढेका छन् ।

सबैभन्दा धेरै जीवन बीमा समूहको १ सय २९ दशमलव ५६ र बीमा समूहको १०३ दशमलव ४८ अङ्कले बढेको छ । आइतबार ८७ कम्पनीको कारोबारमा ९७ करोड ७८ लाख रुपैयाँभन्दा धेरैका ३२ लाख १२ हजार कित्ता शेयर किनबेच भएका छन् ।

सबैभन्दा धेरै अजोड इन्स्योरेन्स लिमिटेडको नौ करोड २१ लाख रुपैयाँ बराबरका शेयर कारोबार भएको छ । अजोड इन्स्योरेन्सका शेयर लगानीकर्ताले आइतबार सबैभन्दा धेरै झण्डै १० प्रशित कमाएका छन् । गणपति माइक्रोफाइनान्स वित्तीय संस्था लिमिटेडका शेयर लगानीकर्ताले भने ३ दशमलव ८५ प्रतिशत गुमाएका छन् ।

अन्तिम अपडेट: कात्तिक ३०, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्