प्रदेश १ मा एक लाख बढीको पीसीआर परीक्षण

भदौ २२, २०७७ सोमबार १८:३०:३ | सुमन तिमल्सिना

माेरङ – प्रदेश १ मा एक लाख बढीको पीसीआर परीक्षण भएको छ । साेमबारसम्म काेराेना सङ्क्रमण छ कि छैन भनेर जाँच गर्नका लागि एक लाख तीन सय ४८ जनाको पीसीआर परीक्षण भएको सामाजिक विकास मन्त्रालयले जनाएको छ ।

सोमबार मात्रै एक हजार आठ सय ६० जनाको पीसीआर परीक्षण भएको छ । अहिलेसम्म परीक्षण गरिएकामध्ये ९६ हजार एक सय ७१ जनाको रिपोर्ट नेगेटिभ आएको छ भने चार हजार एक सय ७७ जनाको रिपाेर्ट पोजेटिभ आएको मन्त्रालयले जनाएको छ ।

मन्त्रालयका अनुसार वीपी कोइराला स्वास्थ्य विज्ञान प्रतिष्ठान धरानबाट ४० हजार ६ सय ४३, प्रदेश जनस्वास्थ्य प्रयोगशाला विराटनगरबाट ३१ हजार तीन सय ४३, कोशी अस्पताल विराटनगरबाट २५ हजार चार सय ३६, मेची अस्पताल झापाबाट दुई हजार आठ सय ९१ र अन्य प्रयोगशालाबाट ३५ जनाको पीसीआर परीक्षण भएको छ ।

प्रदेश १ मा मोरङमा सबैभन्दा बढी ३१ हजार दुई सय ६७ जनाको पीसीआर परीक्षण गर्दा दुई हजार ४५ जनामा सङ्क्रमण देखिएको छ । सुनसरीमा २३ हजार ६ सय ७९ र झापामा २३ हजार पाँच सय ८५ जनाको पीसीआर परीक्षण भएको सामाजिक विकास मन्त्रालयले जनाएको छ ।

प्रदेश १ मा अहिले चार वटा प्रयोगशालाबाट पीसीआर परीक्षण हुँदै आएको छ । वीपीमा गएकाे चैत १८, कोशीमा चैत २९, प्रदेश जनस्वास्थ्य प्रयोगशालाले वैशाख १९ र मेची अस्पतालले साउन ३० गतेदेखि पीसीआर परीक्षण सुरु गरेको मन्त्रालयले जनाएको छ ।

अन्तिम अपडेट: मंसिर १४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

सुमन तिमल्सिना

सुमन तिमल्सिना मोरङका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्