मोदीलाई अन्तर्राष्ट्रिय प्रेस संस्थाहरुको चिट्ठी, 'पत्रकारहरुविरुद्ध लगाइएको मुद्दा फिर्ता लिनुपर्छ'

कात्तिक ६, २०७७ बिहीबार १६:२०:४३ | एजेन्सी

काठमाण्डाै – दुई अन्तर्राष्ट्रिय प्रेस संस्था, द इन्टरनेशनल प्रेस इन्स्टिच्युट र इन्टरनेशनल फेडरेशन अफ जर्नलिस्ट्सले भारतीय प्रधानमन्त्रीलाई एक संयुक्त पत्र लेख्दै पत्रकारमाथिको उत्पीडन रोक्न तत्काल आवश्यक कदम उठाउन आग्रह गरेका छन् ।

दुवै संस्था सम्पादक, पत्रकार र मिडियामा काम गर्नेहरुको अन्तर्राष्ट्रियस्तरको संस्था हुन्, जसले आफ्नो पत्रमा लेखेका छन्, ‘प्रधानमन्त्री मोदी राज्य सरकारहरुलाई पत्रकारहरुविरुद्धको सबै मुद्दा फिर्ता लिन निर्देशन दिनुस् ।’

पछिल्लो केही महिनामा पत्रकारहरुले आफ्नो काम गरेको बदलामा आईपीसीको सेक्शन–१२४ए अनुसार राज्यद्रोहको मुद्दा लगाइएको र त्यसलाई फिर्ता लिनुपर्नै पत्रमा लेखिएको छ ।

यस पत्रमा केरलका पत्रकार सिद्दकी कप्पनको गिरफ्तारीमाथि विशेष चिन्ता व्यक्त गरिएको छ, जो हाथरस प्रकरणको रिपोर्टिङ गरिरहेका थिए ।

पत्रकार अनुसार, कोरोना भाइरसको महामारी फैलिएपछि पत्रकारहरुविरुद्ध मुद्दा दर्ताको क्रम भारी रुपमा बढेको छ ।

यस पत्रमा एक रिपोर्टलाई उद्धृत गर्दै भनिएको छ, ‘२५ मार्चदेखि ३१ मेबीच महामारीको समाचार रिपोर्टिङ गर्ने ५५ जना पत्रकारलाई निसाना बनाइएको छ र विभिन्न राज्य सरकारहरुले उनीहरुमाथि मुद्दा दायर गरेका छन् ।’

यी दुई संस्थाले लेखेका छन्, ‘सरकारको प्रतिक्रियामा कमीलाई उजागर गर्नेहरुलाई चुप गराउन उनीहरुमाथि स्वास्थ्य सङ्कटको उपयोग भइरहेको छ । तर स्वतन्त्र मिडिया हुनु लोकतन्त्रमा आवश्यक छ ।’

अन्तिम अपडेट: मंसिर ६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्