२१ दिनपछि खुल्यो सुर्नया गाउँपालिकामा लगाइएको ताला

कात्तिक १६, २०७७ आइतबार १८:१७:५९ | जयराज अवस्थी

बैतडी – सुर्नया गाउँपालिकामा गएको असोज २६ गतेदेखि गरिएको तालाबन्दी खुलेको छ । जनप्रतिनिधि र स्थानीय सङ्घर्ष समितिबीच आइतबार भएको छलफलपछि ताला खुलेको गाउँपालिकाकी उपाध्यक्ष लीला विष्टले जानकारी दिनुभयो ।

गाउँपालिकामा लामो समयपछि तालाबन्दी खुलेपछि सोमबारदेखि कामकाज सुरु हुने उपाध्यक्ष विष्टले बताउनुभएको छ ।

जनप्रतिनिधिका तर्फबाट उपाध्यक्ष लीला विष्ट, वडा नं ५ का कार्यवाहक वडाध्यक्ष धनबहादुर मडै र सङ्घर्ष समितिका तर्फबाट कृष्णबहादुर चन्द, प्रेम लुहारलगायतको सहभागितामा छलफल भएको थियो । तत्कालका लागि पहिलेकै ठाउँबाट काम सञ्चालन गर्ने र केन्द्रका विषयमा सर्वदलीय छलफलबाट टुङ्गो लगाउने सहमतिसहित ताला खुलेको उपाध्यक्ष विष्टले जानकारी दिनुभयो ।

सुर्नया गाउँपालिकाको केन्द्रका विषयमा विवाद हुँदा गएको असोज २८ गते झडपसमेत भएको थियो । त्यस झडपमा गाउँपालिका अध्यक्ष वीरबहादुर विष्टसहित १४ जना घाइते भएका थिए । गाउँपालिकाले पवितामा केन्द्र सार्न लागेको भन्दै स्थानीयहरुले सङ्घर्ष समिति बनाएर गाउँपालिकामा तालाबन्दी गरेका थिए । असोज २८ गते ताला खोल्ने क्रममा अध्यक्ष विष्ट सहितका व्यक्तिमाथि ढुङ्गा प्रहार भएको थियो ।

स्थानीयहरुले केन्द्रका विषयमा सर्वोच्चमा मुद्दा विचाराधीन भएकाले केही निर्णय नगर्न माग गरेका छन् ।

अन्तिम अपडेट: मंसिर ७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

जयराज अवस्थी

जयराज अवस्थी बैतडीका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्