प्रधानाध्यापक मृत भेटिएपछि हत्या गरिएको आशङ्कामा राजमार्ग बन्द

कात्तिक १८, २०७७ मंगलबार १७:४५:५६ | जयराज अवस्थी

बैतडी – बैतडीको डिलाशैनी गाउँपालिका २ मा रहेको डाडाबाग आधारभूत विद्यालय कपट्टाका प्रधानाध्यापक ४५ वर्षीय गोविन्द घरडी मङ्गलबार मृत भेटिनुभएको छ । प्रधानाध्यापक घरडी दार्चुलाको शैल्यशिखर नगरपालिका ९ को शिवपुरी धाम नजिक मृत भेटिनुभएको हो ।

मृतक घरडीको शरीरमा निलडाम तथा घाउ रहेको इलाका प्रहरी कार्यालय गोकुलेश्वरका प्रहरी निरीक्षक (इन्सपेक्टर) खगेन्द्रसिह साउँदले जानकारी दिनुभयो । यसका साथै उहाँको साथमा ८५ हजार रुपैयाँसमेत भेटिएको साउँदले बताउनुभयो ।

प्रधानाध्यापक घरडी सोमबार तलब बुझ्न भनी गोकुलेश्वर आएको पनि बुझिएको प्रहरीले जनाएको छ । घरडीसँगै रहेका अन्य चार जना शिक्षक पनि तलब बुझ्न आएको भए पनि उनीहरु सोमबार नै घर फर्किएको बताइएको छ । घरडी घर नफर्केपछि खोजी गर्दा मङ्गलबार बिहान ७ बजे उहाँ मृत अवस्थामा भेटिनुभएको हो ।

मृतकको शरीरमा निलडाम र घाउ रहेकोले कसैले हत्या गरेको हुन सक्ने आशङ्का आफन्तको छ । प्रहरीको टोली घटनास्थलमा रहेको छ । घटनाको थप अनुसन्धान भइरहेको प्रहरीले जनाएको छ ।

यसैबीच घटनाको सत्य तथ्य छानबिनको माग गर्दै मृतकका आफन्तले महाकाली राजमार्ग बन्द गरेका छन् । उनीहरुले गोकुलेश्वरमा टायर बालेर राजमार्ग बन्द गरेका हुन् । अहिले घटनाको विषयमा आफन्त र प्रहरी प्रशासनबीच छलफल भइरहेको जनाइएको छ ।

अन्तिम अपडेट: कात्तिक ३०, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

जयराज अवस्थी

जयराज अवस्थी बैतडीका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्