जाे बाइडेनकाे चेतावनी : ‘ट्रम्पले सहकार्य नगरे थप सङ्क्रमितकाे ज्यान जान सक्छ’

मंसिर २, २०७७ मंगलबार ७:५९:२८ | एजेन्सी

काठमाण्डाै – डोनाल्ड ट्रम्पले यदि आफ्नो आउने राष्ट्रपतीय प्रशासनलाई अवरुद्ध पारेर राखे ‘थप मानिसहरुको ज्यान जान सक्ने’ जो बाइडेनले चेतावनी दिएका छन् ।

डेलावेरमा बोल्दै राष्ट्रपतीय चुनाव जितेका बाइडेनले कोरोना महामारीको सामना गर्न सहकार्यको आवश्यकता थियो भनेका छन् ।

बाइडेनले फेरि एक पटक ट्रम्पलाई चुनावको नतिजा स्वीकार्न आग्रह गर्दै प्रक्रिया रोकेर राख्नु लज्जाको विषय भएको बताएका छन् ।

अमेरिकाकी पूर्व प्रथम महिला मिशेल ओबामाले पनि सामाजिक सञ्जालमा ‘यो खेल होइन’ भनेर लेखेकी छिन् ।

राष्ट्रपतीय चुनाव जित्न दुई सय ७० इलेक्टोरल मत चाहिने भए पनि बाइडेनले तीन सय ६ मत पाएका छन् ।

तर पनि रिपब्लिकन पार्टीका ट्रम्पले सोमबार बिहान ‘मैले चुनाव जिँते’ भन्दै ट्वीट गरेका थिए ।

ट्रम्प अभियानले गएको ३ नोभेम्बरमा भएको मतदानका क्रममा मतगणनाको लागि कानुनी चुनौती थपिदिएको थियो ।

राष्ट्रपतीय चुनावपछि सङ्क्रमणकालीन कार्यहरु गर्ने सरकारी निकाय जनरल सर्भिस एडमिनिस्ट्रेशन (जीएसए) ले अहिलेसम्म जो बाइडेन र उनकी चुनावी सहकर्मी कमला ह्यारिसलाई विजेताका रुपमा स्वीकार गरिसकेको छैन ।

अन्तिम अपडेट: मंसिर २, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्