अमेरिका : कोरोनाका कारण ज्यान गुमाउनेको सङ्ख्या साढे दुई लाख नाघ्यो, न्यूयोर्कमा विद्यालयहरू बन्द गर्न आदेश

मंसिर ४, २०७७ बिहीबार ११:२५:४४ | एजेन्सी

काठमाण्डाै - अमेरिकामा कोरोना भाइरसका कारण ज्यान गुमाउनेको सङ्ख्या साढे दुई लाख नाघेको छ ।

अमेरिकामा अहिलेसम्म १ करोड १८ लाखभन्दा धेरैमा सङ्क्रमण पुष्टि भएको छ । सङ्क्रमणबाट २ लाख ५६ हजारभन्दा धेरैको ज्यान गएको वल्र्डओमिटरले जनाएको छ । अमेरिकामा फेरि एकपटक देशभरि नै गम्भीर रुपमा कोराना सङ्क्रमितको संख्या बढिरहेको छ ।

कोरोना भाइरसका कारण ज्यान गएकाको संख्या र सङ्क्रमणका आधारमा अमेरिका पहिलो स्थानमा छ । अमेरिकामा अहिले दैनिक सङ्क्रमितको नयाँ रेकर्ड भइरहेको छ । अमेरिकाका प्रमुख सङ्क्रामक रोग विशेषज्ञ डाक्टर एन्थोनी फाउचीले महत्वपूर्ण समयमा देश गलत दिशामा गइरहेको टिप्पणी गर्नुभएको छ ।

फाउचीले नयाँ सङ्क्रमण बढेसँगै मृतकको सङ्ख्या थपिन सक्ने चेतावनी दिनुभएको छ । कोरोना भाइरसको केन्द्र रहेको न्यूयोर्क सहरले सङ्क्रमण बढ्ने अनुमानका साथ आजदेखि विद्यालयहरू बन्द गर्ने आदेश दिएको छ । रेस्टुरेन्ट र जिमखाना भने खुला रहने बीबीसीको खबरमा उल्लेख छ ।

अन्तिम अपडेट: मंसिर ५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्