बिहीबार थपिए २ हजार १०३ जना काेराेना सङ्क्रमित, २ हजार ८५८ जना डिस्चार्ज

 मंसिर ४, २०७७ बिहिबार १६:४५:४९ | उज्यालो सहकर्मी
unn.prixa.net

काठमाण्डाै – नेपालमा काेराेना भाइरस (काेभिड–१९) का सङ्क्रमितको सङ्ख्या दुई लाख १५ हजार २० पुगेकाे छ । बिहीबार थप दुई हजार एक सय तीन जनामा सङ्क्रमण पुष्टि भएकाे स्वास्थ्य तथा जनसङ्ख्या मन्त्रालयले जनाएकाे छ । 

नाै हजार आठ सय पाँच जनाकाे नमुना परीक्षण गर्दा दुई हजार एक सय तीन जनामा सङ्क्रमण देखिएकाे हाे । त्यस्तै गएकाे २४ घण्टामा दुई हजार आठ सय ५८ जना निकाे भएर फर्किएसँगै डिस्चार्ज हुनेकाे सङ्ख्या एक लाख ८५ हजार ६ सय ३८ पुगेको छ ।  

अब नेपालमा २८ हजार एक सय ६ जना सक्रिय सङ्क्रमित आइसाेलेशनमा रहेका छन् । यस्तै सात सय ६७ जना क्वरेण्टीनमा रहेकाे मन्त्रालयले जनाएको छ । 

२४ घण्टामा थप १७ सङ्क्रमितकाे ज्यान गएसँगै काेराेनाबाट ज्यान गुमाउनेकाे सङ्ख्या एक हजार दुई सय ७६ पुगेकाे छ । 

अन्तिम अपडेट: मंसिर ५, २०७७

तपाईको प्रतिक्रिया