मुख्यमन्त्री राईविरुद्ध अविश्वास प्रस्ताव दर्ता गर्ने सांसदसँग स्पष्टीकरण माग

पुष १३, २०७७ सोमबार २०:२५:२६ | सुमन तिमल्सिना

माेरङ – प्रदेश १ का मुख्यमन्त्री शेरधन राईले अविश्वास प्रस्ताव दर्ता गर्ने सांसदहरूलाई स्पष्टीकरण सोध्नुभएको छ ।

प्रदेश सभा र संसदीय दलमा अविश्वासको प्रस्ताव पेस गर्ने १९ जना प्रदेश सभा सदस्यहरूलाई कारबाही किन नगर्ने भन्दै दलका नेता राईको निर्देशनमा प्रमुख सचेतक बुद्धिकुमार राजभण्डारीले सोमबार २४ घण्टे स्पष्टीकरण सोध्नुभएको हो ।

आइतबार नेकपाको प्रदेश सभामा राईलाई मुख्यमन्त्रीबाट हटाउन प्रदेश सभामा सांसदहरूले अविश्वास प्रस्ताव पेस गरेका थिए । संसदीय दललाई जानकारी नगराइ संसद् सचिवालयमा अविश्वासको प्रस्ताव दर्ता गरेकाले त्यस प्रस्ताव फिर्ता गर्न र स्पष्टीकरण पेस गर्न दलका नेता राईले निर्देशन दिएकाे राजभण्डारीले जानकारी दिनुभयो ।

स्पष्टीकरण पत्रमा ‘संसदीय दलका सदस्य इन्द्रबहादुर आङ्बो प्रस्तावक र लछुमन तिवारी समर्थक भइ आफ्नै दलका नेता शेरधन राईविरुद्ध अविश्वासको प्रस्ताव दर्ता गर्नुभएको हुँदा संविधान र संसदीय दलको विधानबमाेजिम किन कारबाही नगर्ने’, भनिएको छ ।

२४ घण्टाभित्र प्रस्ताव फिर्ता गरी स्पष्टीकरण नबुझाएमा संविधान, राजनीतिक दलसम्बन्धी ऐन, कानुन र दलको विधानबमोजिम कारबाही हुने स्पष्टीकरण पत्रमा उल्लेख छ ।

अन्तिम अपडेट: मंसिर १७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

सुमन तिमल्सिना

सुमन तिमल्सिना मोरङका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्