बझाङकाे पर्यटन प्रवर्द्धनका लागि मिसन साइपाल वृत्तचित्र बन्दै

भदौ २, २०७५ शनिबार १८:३९:२६ | डीबी बिष्ट

बझाङ - बझाङकाे पर्यटन प्रवर्द्धन गर्न मिसन साइपाल नामक वृत्तचित्र निर्माण हुने भएको छ ।

७ हजार ३१ मिटर अग्लो साइपाल हिमाल लगायत जिल्लाका विभिन्न पर्यटकीय क्षेत्रलाई राष्ट्रिय र अन्र्तराट्रिय स्तरमा चिनाउन वृत्तचित्र निर्माण गरिने भएको हो ।

सात नम्बर प्रदेशको प्रमुख पर्यटकीय गन्तव्य खप्तडबाट सुरु हुने वृत्तचित्र छबिसपाथिभेरा गाँउपालिकाको बान्नीको चैतली, सुर्मा गाँउपालिकाका विभिन्न भाग हुँदै साइपाल गाँउपालिको साइपाल हिमाललाई छायाङ्कन गरिने निर्देशक भोजराज भाटले जानकारी दिनुभयो ।

वृत्तचित्रमा आवश्यक तयारी पूरा भएको र वृत्तचित्रमा बझाङको रीतिरिवाज, भेषभुषा र मौलिकता समावेश गरिने छ ।

यसमा विदेशी टोलीसमेत सहभागी हुने र चारजना स्थानीय महिलालाई साइपाल हिमाल चढ्ने तालिम पनि दिइएको निर्देशक भाटले जानकारी दिनुभयो । उहाँले वृत्तचित्रलाई विभिन्न देशका १६ वटा भाषामा रुपान्तरण गरिने तयारी रहेको पनि जानकारी दिनुभयो ।

भाटले यसअघि निर्माण गरेको वृत्तचित्र ‘सुनाकली’ ले ३७ वटा अन्र्तराष्ट्रिय अवार्ड जितेको छ ।

हालसम्म पनि खासै प्रचारमा नआएको साइपाल हिमालको पर्यटन प्रवद्र्धनमा वृत्तचित्रले टेवा पुर्याउने आशा गरिएको साइपाल गाँउपालिकाका अध्यक्ष राजेन्द्र धामीले बताउनुभयो ।
८४ लाख रुपैयाँको लागतमा निर्माण हुने वृत्तचित्रमा साइपाल गाँउपालिका, छबिसपाथीभेरा गाँउपालिका र निर्माण कम्पनीले लगानी गरेका छन् भने थप लगानीका लागि अरु स्थानीय तहसँग समन्वय भइरहेको निर्देशक भाटले जानकारी दिनुभयो ।

प्रचार प्रसारको अभावमा साइपाल हिमाल चढने आरोहीसमेत पछिल्लो समय साइपालतिर जाने गरेका छैनन् ।

अन्तिम अपडेट: मंसिर ९, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

डीबी बिष्ट

डीबी बिष्ट बझाङका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्