प्रचण्ड–नेपाल समूहद्वारा ९ बुँदे मापदण्ड तय, कमिटीमा ५०/५० प्रतिशत हिस्सा रहने

 फागुन ९, २०७७ आइतबार १७:२६:१९ | उज्यालो सहकर्मी
unn.prixa.net

फाइल फाेटाे

काठमाण्डाै – नेपाल कम्युनिस्ट पार्टी (नेकपा) को प्रचण्ड–नेपाल समूहले नाै बुँदे मापदण्ड तय गरेको छ । सङ्गठनात्मक संरचनालाई पूर्णता दिन प्रचण्ड–नेपाल समूहले नाै बुँदे मापदण्ड तय गरेको हो ।

मापदण्डमा अध्यक्षद्वय पुष्पकमल दाहाल प्रचण्ड र माधवकुमार नेपालले पार्टी कमिटी एवं जनवर्गीय सङ्गठनको खाली रहेकाे ठाउँ पूर्ति तथा एकीकरणमा दुवै पक्षको आधा/आधा अर्थात् ५०/५० प्रतिशत हिस्सा रहने भएको छ ।

कमिटी तथा जनवर्गीय सङ्गठनकाे खाली रहेकाे ठाउँ पूर्ति तथा एकीकरणका लागि तय मापदण्ड तथा आधारमा दुई अध्यक्षले हस्ताक्षर गर्नुभएको छ ।

पदाधिकारी राख्दा वरिष्ठता, सक्रियता र क्षमतालाई ध्यान दिने उल्लेख छ । साविक नेकपा (एमाले) पङ्क्तिमा रहेका गुट तथा फुटपरस्तले कार्यकर्तालाई भ्रमित तुल्याउने प्रयास गरेको भन्दै जिम्मेवारी प्रदान गर्दा भ्रम चिर्न सक्नेलाई विशेष जोड दिने सहमतिमा उल्लेख छ । 

अन्तिम अपडेट: फागुन १५, २०७७

तपाईको प्रतिक्रिया