भारतको उत्तराखण्डका मुख्यमन्त्रीद्वारा राजीनामा

फागुन २५, २०७७ मंगलबार १९:३२:४७ | एजेन्सी

काठमाण्डाै – भारतको उत्तराखण्ड राज्यका मुख्यमन्त्री त्रिवेन्द्र सिंह रावतले आफ्नो पदबाट राजीनामा दिनुभएको छ । उहाँले राज्यपाल बेबी रानी मौर्यलाई आफ्नो राजीनामा बुझाउनुभएको हो ।

राजीनामा बुझाएपछि उहाँले राजीनामा बुझाउने आफ्नो नभइ पार्टीको निर्णय भएको बताउनुभएको बीबीसी हिन्दीले जनाएको छ । रावतले राजीनामाका विषयमा जानकारी दिन बुधवार सांसदहरूको बैठक बोलाउनुभएको छ ।

भारतीय जनता पार्टीको तर्फबाट मुख्यमन्त्री बन्नुभएका रावत केही दिनदेखि राजीनामाको दबाब बढ्दै गएको थियो । सन् २००० मा गठन भएको उत्तराखण्ड राज्यमा अहिलेसम्म आठ जना मुख्यमन्त्री बनिसकेका छन् । ७० सदस्यको उत्तराखण्डको विधानसभामा अहिले भाजपाका ५६, कांग्रेसका ११ र दुई जना स्वतन्त्र विधायक छन् । एक सिट खाली छ ।

बहुमत भए पनि पार्टीभित्रको असन्तोषका कारण रावतलाई पदबाट राजीनामा गर्न लगाएको भारतीय सञ्चारमाध्यमले जनाएका छन् । भाजपाले मुख्यमन्त्री त्रिवेन्द्र सिंह रावतका कारण उत्तराखण्डका मानिसमा सरकारप्रतिको धारणा नकारात्मक बनेको आरोप लगाएको छ ।

उत्तराखण्ड राज्य बनेदेखि नै राजनीतिक अस्थिरता कायम छ, मात्र नारायण दत्त तिवारी नै एक यस्ता मुख्यमन्त्री हुनुहुन्थ्याे जसले पाँच वर्षकाे आफ्नाे कार्यकाल पूरा गर्नुभयाे ।

वरिष्ठ पत्रकार जयसिंह रावत भन्नुहुन्छ, ‘मुख्यमन्त्री त्रिवेन्द्र सिंह रावतविरुद्ध पहिहेदेखि नै पार्टीमा निकै असन्ताेष थियाे । रावतका केही निर्णय यस्ता थिए, जसका कारण नागरिक उहाँप्रति निकै निराश थिए, नागरिकमा असन्ताेष बढिरहेकाे थियाे । उदाहरणका लागि– देवस्थानम बोर्ड गठनका कारण भाजपाका मुख्य मतदाता अर्थात् मन्दिरका पूजारी, अन्य पंडा समाज रावतसँग निकै निराश थिए । भाजपाकै सांसद सुब्रमण्यम स्वामीले यस विषयलाई अदालतसम्म पुर्‍याउनुभएकाे थियाे ।’

‘उत्तराखण्डमा मुख्यमन्त्री त्रिवेन्द्र सिंह रावतले गैरसैनमा ग्रीष्मकालीन राजधानी बनाउनुभएकाे थियाे, त्यहाँ विधानसभा सत्र सुरु हुने दिन एक सडक विस्तारकाे माग गर्दै प्रदर्शन गर्न आएका महिलामाथि लाठीचार्ज गर्न लगाएपछि पहाडमा रहेका नागरिकमा गलत सन्देश गएकाे थियाे । यही कारण नागरिक रावतप्रति निकै रुष्ट थिए ।’

अन्तिम अपडेट: कात्तिक २८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्