१५ लाख रुपैयाँ लुटिएको नाटक गर्ने व्यक्ति नगदसहित पक्राउ

भदौ ४, २०७५ सोमबार १८:२४:५२ | उज्यालो सहकर्मी

काठमाडौं – आफ्नै पैसा लुटिएको नाटक गर्ने एकजनालाई प्रहरीले नगदसहित पक्राउ गरेको छ ।

प्रहरीले आफैले निकालेको रकम लुकाएर हराएको नाटक गर्ने अस्गर अलीलाई नगदसहित पक्राउ गरेको हो । अलिले गएको भदौ ३ गते न्यूरोडको बज्रयोगिनि बहुउद्देशिय सहकारी संस्थाबाट १५ लाख रुपैयाँ निकालेका थिए ।

आफूले पैसा निकालेर आफ्नो पसलतिर आउँदै गर्दा मोटरसाइकलमा आएका व्यक्तिले हतियार देखाएर आफ्नो पैसा लुटेको भन्दै अलिले प्रहरीलाई खबर गरेका थिए । उनले आफूलाई लुटेराले स्वयम्भुको जंगलमा लगेर पैसा लुटेको प्रहरीलाई जानकारी दिएका थिए ।

त्यसपछि महानगरिय प्रहरी वृत्त लैनचौर कार्यालय प्रमुख र परिसर काठमाडौबाट खटिएको प्रहरी टोलीले घटनाको अनुसन्धान सुरु गरेको थियो । अनुसन्धानका क्रममा पीडित भनिने अलि आफैले त्यो पैसा काठमाडौं महानगरपालिका वडा नम्बर १६ पकनाजोलस्थित राजेश श्रेष्ठको घरमा लुकाएर राखेको अवस्थामा भेटाएको प्रहरीले जनाएको छ ।

अलिलाई सँगै लिएर गरेको प्रहरी टोलीले राजेन्द्र श्रेष्ठको घरमा सोनाम लेखिएको झोलामा रहेको १५ लाख ३१ हजार ८ सय नेपाली रुपैयाँ, १०० रुपैयाँको चिनियाँ युवान, दशको युवान, चाबी र सामसुङ मोबाइल बरामद गरेको हो । प्रहरीले अलिलाई पनि पक्राउ गरी घटनाको थप अनुसन्धान गरिहरको छ ।

अन्तिम अपडेट: पुस ५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्